Lampard: Sýndum okkar bestu hliðar

Frank Lampard var mjög ánægður með spilamennsku Chelsea liðsins þegar það tryggði sér sæti í 8-liða úrslitum Meistaradeildarinnar með auðveldum 3-0 sigri á Olympiakos í London í kvöld.

"Við spiluðum frábæran fótbolta, sérstaklega í fyrri hálfleik. Við spiluðum okkar leik og það mjög vel. Við vildum fyrst og fremst fara áfram í keppninni en 1-0 er ekki mjög sannfærandi þannig að okkur langaði að skora meira. Við sýndum hvað í okkur bjó á móti West Ham á dögunum og héldum því áfram í kvöld."