Þremenningarnir þögulir

Þeir Dagur Sigurðsson, Geir Sveinsson og Aron Kristjánsson vilja ekkert segja um það sem kom fram hjá Þorbergi Aðalsteinssyni, stjórnarmanni HSÍ, í Utan vallar á Sýn í gær. Þeir útilokuðu þó ekki að tjá sig frekar um málið síðar.

Þorbergur var mjög gagnrýninn í þeirra garð í þættinum í gær eins og sjá má á Vísi. Hann sagði þá ekki þora í starfið og sakaði þá Dag og Aron um slæma viðskiptahætti.

Guðmundur Ágúst Ingvarsson, formaður HSÍ, vildi heldur ekkert tjá sig um ummæli Þorbergs að svo stöddu en stjórn HSÍ mun funda síðar í dag.