Arnar Pétursson bestur hjá körlunum

Arnar Pétursson hjá Haukum var í dag útnefndur besti leikmaður umferða 22-28 í N1 deild karla í handbolta og þjálfari hans hjá Haukum, Aron Kristjánsson, besti þjálfarinn.

Haukar voru fyrirferðamiklir í úrvalsliði umferðanna en þeir tryggðu sér sem kunnugt er Íslandsmeistaratitilinn með góðum endaspretti. Lið Hauka þótti hafa verið með bestu umgjörðina í lokaumferðunum.

Þeir Anton Gylfi Pálsson og Hlynur Leifsson voru kjörnir bestu dómararnir.

Úrvalslið umferðanna hjá körlunum:

Markvörður: Egidijus Petkevicius, HK.

Vinstra horn: Freyr Brynjarsson, Haukar.

Vinstri skytta: Gunnar Berg Viktorsson, Haukar.

Miðja: Andri Stefan Guðrúnarson, Haukar.

Hægri skytta: Rúnar Kárason, Fram.

Hægra horn: Ragnar Hjaltested Ragnarsson, HK.