Landsliðsmenn árita treyjur í dag

Íslenska landsliðið í körfubolta mun í dag árita veggspjöld og treyjur fyrir áhugasama í verslun Select í Smáranum. Uppátækið er í tilefni af leik Íslendinga og Svartfellinga í Evrópukeppninni á miðvikudagskvöldið.

Landsliðsmennirnir verða við milli 17 og 19 á Select í kvöld þar sem veitingar verða í boði og heppnum körfuboltaáhugamönnum gefst tækifæri til að vinna sér inn landsliðstreyjur.

Leikur Íslands og Svartfjallalands verður í Laugardalshöll á miðvikudagskvöld klukkan 19:15, en íslenska liðið hefur unnið Dani og tapað fyrir Hollendingum í riðli sínum til þessa.