Haukar Íslandsmeistarar

Haukar eru Íslandsmeistarar í handbolta 2008. Þeir unnu öruggan sigur á Fram á Ásvöllum í kvöld 41-30. Haukar höfðu yfir í hálfleik 17-12.

Markaskorarar Hauka: Elías Már Halldórsson 11 (11), Freyr Brynjarsson 7 (7), Andri Stefan 7 (13), Gunnar Berg Viktorsson 5/3 (5/3), Sigurbergur Sveinsson 5/2 (7/2), Þröstur Þráinsson 2 (2), Kári Kristján Kristjánsson 2 (3), Gísli Jón Þórisson 1 (1), Halldór Ingólfsson 1 (2), Jón Karl Björnsson 1 (2/1).

Varin skot: Magnús Sigmundsson 7, Gísli Guðmundsson 4.

Markaskorarar Fram: Rúnar Kárason 11/2 (15/2), Stefán Stefánsson 4 (4), Einar Ingi Hrafnsson 4 (4), Jón Björgvin Pétursson 4 (4), Daníel Berg Grétarsson 3 (6), Andri Berg Haraldsson 2/1 (2/3), Filip Kliszczyk 1 (2).

Varin skot: Björgvin Páll Gustavsson 9/3, Magnús Erlendsson 3.

Leikurinn var í beinni textalýsingu hér á Vísi:

20:36 Haukar - Fram 41-30. Öruggur sigur Hauka sem eru Íslandsmeistarar.

20:32 Fjórar eftir og Haukar að vinna 35-28. Menn farnir að faðmast á bekknum og fagna Íslandsmeistaratitli.

20:26 Elías Már á stórleik hér í kvöld og er kominn með tíu mörk. Haukar hafa yfir 32-25 þegar 9 mínútur eru eftir af leiknum.

20:17 Haukar níu mörkum yfir 28-19. Viggó Sigurðsson, verðandi þjálfari Fram, er meðal áhorfenda og virkar allt annað en sáttur við verðandi lærisveina sína.

20:15 Rúnar Kárason hefur skorað níu mörk fyrir Fram, helming marka liðsins, en aðrir í Safamýrarliðinu eru hinsvegar lítið að gera. 25-18 eftir ellefu mínútna leik í seinni hálfleik.

20:10 Gunnar Berg Viktorsson er að minna á gamla tíma og hefur sett tvö lagleg mörk úr háloftunum. Haukar með forystu 21-16 þegar átta mínútur eru liðnar af seinni hálfleik.

20:05 Staðan er 18-14 eftir þriggja mínútna leik í seinni hálfleik. Bitið í sóknarleik Hauka hefur minnkað til muna eftir að Sigurbergur Sveinsson meiddist og er ljóst að hann leikur ekki meira með í leiknum.

19:51 Haukar 17-12 Fram (hálfleikur)

Markaskorarar Hauka: Sigurbergur Sveinsson 5/2 (7/2), Elías Már Halldórsson 5 (5), Andri Stefan 5 (8), Freyr Brynjarsson 1 (1), Kári Kristján Kristjánsson 1 (1)

Varin skot: Magnús Sigmundsson 5.

Markaskorarar Fram: Rúnar Kárason 5/2 (9/2), Stefán Stefánsson 3 (3), Einar Ingi Hrafnsson 2 (2), Andri Berg Haraldsson 1/1 (1/3), Filip Kliszczyk 1 (1).

Varin skot: Björgvin Páll Gustavsson 4/2, Magnús Erlendsson 3.

19:42 Fimm mínútur til hálfleiks og staðan er 16-10 fyrir Hauka. Elías Már Halldórsson, Andri Stefán og Sigurbergur eru með fimm mörk hver.

19:36 Það þarf margt að breytast í leik Framara ef þeir ætla að koma í veg fyrir að Haukar tryggi sér Íslandsmeistaratitilinn í kvöld. Staðan eftir 18 mínútna leik er 12-7 fyrir Hauka.

19:27 Haukamenn eru mun ákveðnari hér í byrjun og hafa yfir 10-4 eftir um tíu mínútna leik. Elías Már Halldórsson hefur skorað fjögur mörk og Andri Stefan og Sigurbergur Sveinsson þrjú hvor.

19:12 Haukar bjóða upp á ljósasýningu hér þegar leikmenn eru kynntir til leiks.