Forlan ætlar að skora gegn Liverpool og tileinka United markið

Diego Forlan, fyrrum leikmaður Manchester United, ætlar sér að skora gegn Liverpool í kvöld og tileinka United markið.

Forlan leikur með Atletico Madrid sem tekur á móti Liverpool í Meistaradeild Evrópu í kvöld.

„Ég þekki vel til rígsins sem ríkir á milli Manchester United og Liverpool. Ég veit líka hversu mikils virði það væri fyrir stuðningsmenn United sem hafa alltaf verið mér mjög góðir. Ég myndi gjarnan vilja skora gegn Liverpool og ná hagstæðum úrslitum í leiknum."

„Ég er viss um að það myndi gleðja þá á Old Trafford vegna sambands félagsins við Liverpool."