Sigrar hjá FH og Val

Keppni í N1-deild karla í handbolta hófst í kvöld með tveimur leikjum. FH vann Akureyri fyrir norðan, 31-26.

Þá vann Valur sigur á Víkingi, 34-29 eftir að hafa verið marki undir í hálfleik, 15-14.

Sigfús Páll Sigfússon var markahæstur í liði Vals með átta mörk. Baldvin Þorsteinsson skoraði sex mörk og Arnór Gunnarsson sex. Ólafur og Pálmar, markverðir Vals, vörðu samtals fimmtán skot.

Sverrir Hermannsson var markahæstur Víkinga með átta mörk en Davíð Georgsson kom næstur með sjö. Björn Viðar Björnsson varði fjórtán skot í markinu.