Ekki með skammbyssu í skólann

Kennslukona í Oregon í Bandaríkjunum tapaði máli sem hún höfðaði til þess að fá að bera skammbyssu á sér í skólanum. Shirley Katz hefur lögregluheimild til þess að bera falda skammbyssu. Það er hinsvegar bannað samkvæmt reglum skólans.

Katz sagði að hún þyrfti á sjálfvirku Glock skammbyssunni að halda til þess að verja sig gegn hugsanlegri árás fyrrverandi eiginmanns síns.

Dómarinn tók hinsvegar máli skólans. Hann sagði í dómsorði að starfsmenn skólans þekktu reglurnar og með því að þiggja þar vinnu lofuðu þeir að undirgangast þær.