Trylltur á traktor

Þýskur bóndi tók því illa þegar lögreglumenn stöðvuðu hann þar sem hann var að aka á þjóðvegi á traktor sínum. Bóndinn hafði ekki tilskilin ökuréttindi og hafði fengið margar viðvaranir. Nú þótti laganna vörðum nóg komið og skipuðu honum út úr traktornum. Bóndinn hélt nú ekki. Hann gaf í botn og þrusaði skrímslinu á næsta lögreglubíl. Framan á traktornum var vígalegur gaddalyftari.

Lögreglumennirnir áttu fórum fjör að launa. Bóndinn ók svo út í skóg. Tvær þyrlur og brynvarinn bíll var sendur á vettvang en það var ekki fyrr en eftir sjö klukkustunda leit sem þeir höfðu upp á bóndanum og skelltu honum í járn.