Erlent

Kaupa land til árása á Ísrael

Óli Tynes skrifar
Líbanir eru búnir að fá nóg af svona dögum.
Líbanir eru búnir að fá nóg af svona dögum.
Hizbolla skæruliðasamtökin í Líbanon standa nú í miklum jarðakaupum í suðurhluta landsins, til þess að geta gert þaðan árásir á Ísrael. Jarðakaupin eru að hluta til fjármögnuð af Írönum sem aðstoða Hizbolla við að endurskipuleggja her sinn og vopnast til nýrra átaka. Leiðtogi Drúsa segir að Hizbolla séu að byggja sér ríki í ríkinu.

Fréttamaður breska blaðsins Daily Telegraph hefur verið í Líbanon undanfarið til þess að fylgjast með gangi mála. Hann segir að Líbanir hafi af því miklar áhyggjur að næsta stríð við Ísrael sé ekki langt undan.

Hizbolla eru að kaupa upp land rétt norðan við Litani ána. Sunnamegin árinnar eru 13 þúsund friðargæsluliðar Sameinuðu þjóðanna. Þeir halda uppi stöðugum eftirlitsferðum. En umboð þeirra nær ekki nema að ánni. Á hinum bakkanum geta Hizbolla gert það sem þau vilja og eldflaugar þeirra draga auðveldlega til borga í norðurhluta Ísraels.

Erlent

Mest lesið


Fleiri fréttir

Sjá meira


×

Mest lesið