Tesco búðum í Bretlandi lokað í varúðarskyni

Lögregla í Bretlandi hefur lokað að minnsta kosti 11 Tesco kjörbúðum víðsvegar um landið í dag. Lögregla sagði aðgerðirnar vera gerðar í varúðarskyni.

Búðum var lokað í Lancaskíri, Suffolk, Dyfed Powys í Wales, Fife í Skotlandi, Leicesterskíri, Humberside, Vestur Mercia, Vestur Jórvíkurskíri, Nottinghamskíri, Strathclyde og Lundúnum.

Lögreglan sagði aðgerðirnar vera til þess að vernda almenning. Búðir voru tæmdar af fólki og umferð beint frá þeim. Sumir starfsmenn sögðust hafa heyrt orðróma um sprengjuhótanir en enn hefur ekkert verið staðfest í því sambandi.

Lögreglan staðfesti þó að hún væri að rannsaka nokkur atriði sem öll tengdust Tesco búðum á einhvern hátt og því hefði verið gripið til þessara varúðarráðstafana.