Uppreisnarmenn í Nígeríu sleppa tólf úr haldi

Uppreisnarmenn í Nígeríu slepptu í gærkvöldi og nótt alls tólf manns úr gíslingu. Mönnunum hafði verið rænt á nokkurra vikna tímabili í Níger-ósunum en þar fer fram gríðarmikil olíuframleiðsla.

Íbúar svæðisins vilja meina að bæði stjórnvöld og alþjóðleg olíufyrirtæki séu að snuða þá og því hafa sumir hópar hafið vopnaða baráttu gegn stjórnvöldum og fyrirtækjunum. Uppreisnarmennirnir slepptu mönnunum tólf til þess að greiða fyrir viðræðum við stjórnvöld en nýr forseti tók við völdum í Nígeríu fyrir stuttu.