Öruggur sigur Bremen

Nokkrir leikir voru á dagskrá í UEFA bikarnum í kvöld. Bremen vann sannfærandi 3-0 sigur á Ajax á heimavelli, AZ Alkmaar þurfti að sætta sig við 3-3 jafntefli við Fenerbahce í Tyrklandi eftir að hafa komist í 3-1, þar sem Grétar Rafn Steinsson spilaði 90 mínútur fyrir AZ.

Rangers tapaði fyrsta leik sínum undir stjórn Walter Smith þegar liðið lá 2-1 fyrir Hapoel Tel Aviv. Þetta voru fyrri leikir liðanna í 32-liða úrslitum keppninnar.

Úrslit kvöldsins:

BORDEAUX-OSASUNA 0-0

CSKA MOSKVA-M.HAIFA 0-0

S.DONETSK-NANCY 1-1

LEVERKUS-BLACKBURN 3-2

FENERBACHE-AZ ALKM 3-3

HAPOEL T.A.-RANGERS 2-1

W.BREMEN-AJAX 3-0

LIVORNO-ESPANYOL 1-2

AEK ATHENS-PARÍS SG 0-2

BENFICA-D.BÚKAREST 1-0