Bílslys í Hafnarfirði

Árekstur varð á mótum Álftanesvegar og Hafnarfjarðarvegar, eða Engidalnum, um klukkan hálf átta í kvöld. Skemmdust báðir bílar það mikið að þurfti að draga þá af vettvangi. Ökumaður annars bílsins þurfti að fara á slysadeild til skoðunar en enginn meiddist alvarlega í slysinu.

Tvö önnur minniháttar umferðaróhöpp urðu einnig í Hafnarfirði í kvöld og ekki er vitað hvort að slys hafi orðið á fólki að svo stöddu. Talið er að veðrið hafi átt einhvern hlut að máli í þeim óhöppum.