Tyrkir gefa eftir

Tyrkir ætla sér að opna eina höfn og einn flugvöll fyrir umferð frá Kýpur en löndin tvö hafa átt í deilum allt síðan Tyrkir réðust inn á norðurhluta eyjunnar og hertóku hana árið 1974. Frá þessu skýrði finnsk sjónvarpsfréttastöð í morgun.

Tyrkir eru eina þjóðin sem að viðurkennir sjálfstæði hins tyrkneska hlyta Kýpurs. Tyrkir hafa ekki heldur viljað viðurkenna Kýpur og engin samskipti hafa verið þar á milli síðan innrásin var gerð.

Talið er að þeir séu að gera þetta til þess að koma hreyfingu á viðræður um aðild að Evrópusambandinu en það hefur nýlega sagt að fresta ætti öllum viðræðum þess eðlis uns Tyrkir viðurkenna Kýpur sem þjóð og taka upp eðlileg samskipti við eyríkið.