Ekki búist við Kastró í stjórnmál á ný

Fjölskylda Fidels Kastró hefur sagt honum að taka því rólega og taka ekki þátt í hátíðarhöldum sem marka bæði 80 ára afmæli hans sjálfs sem og 50 ára afmæli uppreisnarinnar á Kúbu. Þetta sagði dóttir Raul Kastrós í dag en Raul er yngri bróðir Fidels. Kúbverskir embættismenn hafa verið duglegir við að segja fréttir af góðum bata Kastró og segja sífellt að hann muni taka við stjórninni á ný.

Fréttaskýrendur og stjórnmálafræðingar eru á einu máli um að ef Fidel snýr aftur til valda muni hann í besta falli verða til skrauts á meðan yngri bróðir hans, Raul, muni halda við stjórnartaumana. Dóttir Rauls, Castro Espin, bjóst ekki við því að Fidel myndi snúa aftur til valda vegna ástands síns.