946 manns höfðu kosið utan kjörfundar í prófkjöri Samfylkingarinnar í Reykjavík núna kl. 18.00

Alls höfðu 946 manns kosið utan kjörfundar í prófkjöri Samfylkingarinnar í Reykjavík núna kl. 18.00. Utankjörfundaratkvæðagreiðsla fer fram á skrifstofu Samfylkingarinnar Hallveigarstíg 1 og stendur hún yfir til kl. 20 í kvöld.

Prófkjörið fer fram í félagsheimili Þróttar í Laugardalnum á morgun frá kl. 10 til 18. Fimmtán frambjóðendur taka þátt í prófkjörinu og er kosið um átta efstu sætin. Prófkjörið er opið öllum félagsmönnum í Samfylkingunni sem lögheimili eiga í Reykjavík og einnig þeim sem undirrita stuðningsyfirlýsingu og eiga lögheimili í Reykjavík.