Auðvelt hjá Chelsea

Chelsea burstaði Aston Villa 4-0 í enska deildarbikarnum í kvöld og er komið áfram í næstu umferð keppninnar líkt og Liverpool sem vann Birmingham 1-0 og Arsenal sem lagði Everton 1-0. Leikur Tottenham og Port Vale fór í framlengingu þar sem staðan var 1-1 að loknum venjulegum leiktíma.

Frank Lampard, Andriy Shevchenko, Michael Essien og Didier Drogba skoruðu mörk Chelsea í sigrinum á Aston Villa í kvöld. Liverpool lagði Birmingham 1-0 á St. Andrews með marki varnarmannsins Daniel Agger og Adebayor skoraði sigurmark Arsenal gegn Everton sem lék með 10 menn frá 19. mínútu eftir að McFadden var rekinn af velli.