Allir þjálfarar vildu hafa Carragher í sínu liði

Rafael Benitez, knattspyrnustjóri Liverpool, segir að Jamie Carragher sé leikmaður sem allir þjálfarar vildu hafa í sínu liði. Benitez hrósar leikmanninum í hástert en hann leikur sinn 300. leik fyrir Liverpool þegar það tekur á móti Reading í dag.

"Það er erfitt að fullyrða um hvaða leikmenn séu þeir stöðugustu og áreiðanlegustu í heimi því þjálfarar telja oftast að það séu leikmenn í þeirra liði. En ég reyni að vera eins hlutlaus og ég get þegar ég segi að Carragher er leikmaður sem ég held að allir vildu vilja í sínu liði," segir Benitez um hinn 28 ára gamla enska landsliðsmann.

"Carragher er nánast alltaf góður en þegar hann gerir mistök tekur hann þau mjög nærri sér og leggur harðar að sér á næstu æfingum til að koma í veg fyrir að þau gerist aftur. Hann leggur sig alltaf 100% fram og er fagmaður fram í fingurgóma. Þannig leikmenn eru ómetanlegir," segir Benitez.