Mikill halli hjá Sheffield United

Enska úrvalsdeildarfélagið Sheffield United var rekið með methalla á síðasta ári vegna aukinna bónusa sem félagið þurfti að greiða leikmönnum sínum í kjölfar þess að liðið vann sér sæti í úrvalsdeildinni í vor.

Tap félagsins á sama tíma í fyrra nam rúmri milljón punda, en í ár er tapið nálægt 10 milljónum punda. Forráðamenn félagsins segjast þó eiga von á því að þetta tap verði jafnað út í kjölfar aukinna tekna af sjónvarpsútsendingum og auglýsingum á næstu mánuðum.