Mourinho ósáttur við viðbragðstíma sjúkraliða

Jose Mourinho gagnrýndi í dag viðbragðstíma sjúkraliða í Reading í kjölfar höfuðkúpubrots markvarðarins Petr Cech í leik Reading og Chelsea um helgina og sagði það hafa tekið hálftíma og koma leikmanninum á sjúkrahús. Talsmenn sjúkrahússins vísa þessu á bug.

Talsmaður sjúkraliða sem fluttu markvörðinn á sjúkrahús segja að það hafi þvert á móti tekið 11 mínútur að sækja hann frá því kallið barst. Forráðamenn Reading hafa einnig gagnrýnt fullyrðingar Mourinho og hafa lagt fram nákvæmar tímasetningar á símtölum frá því um helgina sem sanna eiga að viðbrögð sjúkraliða hafi verið mun betri en stjórinn gaf til kynna.