George Karl framlengir við Denver

Þjálfarinn George Karl hefur framlengt samning sinn við NBA lið Denver Nuggets til ársins 2010, en undir hans stjórn hefur liðið náð sínum besta árangri síðan það gekk inn í NBA deildina fyrir þremur áratugum.

Undir stjórn Karl hefur Denver unnið 76 leiki og tapað 46, sem gerir tæplega 63% vinningshlutfall. Karl tók við liðinu árið 2005 og stýrði liðinu til sigurs í 32 af fyrstu 40 leikjum sínum. Ekki gekk jafn vel á síðustu leiktíð þar sem mikil meiðsli lykilmanna settu strik í reikninginn hjá liðinu. Karl er einn reyndasti þjálfarinn í NBA deildinni og á að baki 784 sigra sem þjálfari og aðeins 11 þjálfarar í sögu deildarinnar eiga að baki fleiri sigurleiki.