Röð bílasprengjuárása í Bagdad

Tólf biðu bana og 62 særðust í tveimur bílprengjuárásum í Austur-Bagdad í morgun. Þá létust sautján í tveimur slíkum árásum í höfuðborginni í gær, rétt hjá moskum sjía. Sprengingarnar eru taldar vera hefndarverk vegna árásar sjía fyrr um daginn, þegar þegar nokkrir þeirra fóru vopnaðir um vestur Bagdad og drógu súnnía út á götur borgarinnar og tóku þá af lífi. Fjörtíu og einn lést í þeirri árás. Sjíar hafa sett upp eftirlitsstöðvar á vegum inní stærstu hverfi sjía til að varna því að morðanna verði hefnt.