Ljóst hvaða lið mætast í 16-liða úrslitum

Nú áðan varð endanlega ljóst hvaða lið mætast í 16-liða úrslitunum á HM, en þau hefjast strax á morgun með leik Þjóðverja og Svía klukkan 15:00. Allir leikirnir verða sýndir í beinni útsendingu á Sýn.

Síðari leikurinn á morgun verður viðureign Argentínumanna og Mexíkóa og hefst hann klukkan 19:00. Á sunnudag mæta Englendingar Ekvadorum klukkan 15 og um kvöldið leika Portúgalar og Hollendingar.

Á mánudag mætast Ítalir og Ástralar klukkan 15 og Svisslendingar og Úkraínumenn klukkan 19. Á þriðjudag er svo leikur Gana og Brasilíumanna klukkan 15 og síðasti leikurinn í 16-liða úrslitunum verður viðureign Spánverja og Frakka.