Obi Mikel til Chelsea

Einhver umdeildasti knattspyrnumaður síðari ára, Nígeríumaðurinn John Obi Mikel, hefur loks skrifað undir samning við Englandsmeistara Chelsea. Mikel samþykkti á sínum tíma að ganga í raðir Manchester United, en sagði síðar að hann hefði verið neyddur til að skrifa undir samninginn. Chelsea þurfti að punga út 16 milljónum punda fyrir leikmanninn.

Málið hefur verið afar langdregið og erfitt viðureignar, en United og Chelsea hafa lengi rifist um hinn 19 ára gamla leikmann sem spilaði síðast með Stefáni Gíslasyni og félögum hjá Lyn í Noregi.

Mikel er talinn vera eitt mesta efni sem fram hefur komið í áraraðir, en félagið fær hann sannarlega ekki gefins. Chelsea þarf að borga Manchester United 12 milljónir punda fyrir drenginn og Lyn 4 milljónir punda´.