Hreinsað til hjá Manchester City

Segja má að vorhreingerningar séu nú hafnar í herbúðum Manchester City, en í dag voru hvorki meira né minna en tíu leikmenn látnir fara frá félaginu. Þar á meðal voru þeir Kiki Musampa, David Sommeil og Albert Riera, en félagið mun ekki endurnýja samninga þessara leikmanna.

Þá hefur félagið ákveðið að halda ekki í markvörðinn Geert de Vlieger, varnarmanninn Mikkel Bischoff og finnska miðjumanninn Tuomas Haapala. Varaliðsmennirnir Ian Bennett, Karl Bermingham, Paul Collins and Michael Ward fá einnig að taka pokann sinn hjá liðinu eftir að þeim mistókst að vinna sig í áliti.