Verðskuldað stig hjá Sunderland

Lið Tottenham Hotspurs fór illa að ráði sínu í dag þegar liðið gerði 1-1 jafntefli við botnlið Sunderland á útivelli. Robbie Keane kom Tottenham yfir í fyrri hálfleik, en í þeim síðari var liðið, sem er í baráttu um sæti í Meistaradeildinni á næsta ári, gjörsamlega á hælunum og gaf Daryl Murphy ódýrt jöfnunarmark þegar skammt var til leiksloka.

Ekki er hægt að segja að Sunderland hafi spilað vel í leiknum en liðið er vel að stiginu komið og ljóst að Tottenham hefur ekkert erindi í Evrópukeppni með spilamennsku eins og liðið sýndi í dag.