Þjálfarinn er viðvaningur

Egypski framherjinn Mido hefur enn ekki sagt sitt síðasta varðandi brottvísun sína úr landsliðinu eftir rifrildi við þjálfara sinn á dögunum og nú hefur hann gefið það út að þjálfarinn og þeir sem standi að liðinu séu eintómir viðvaningar.

"Allir í þessu liði eru bara áhugamenn og viðvaningar. Fólk segir áræðanlega að ég sé hrokafullur, en staðreyndin er sú að ég er atvinnumaður sem leikur í ensku úrvalsdeildinni - en þeir eru allir viðvaningar. Ef Egyptar vinna Afríkukeppnina, verða þeir hetjur - ef þeir vinna ekki, verður það mér að kenna," sagði Mido og lá ekki á skoðunum sínum.