Mætti á æfingu hjá Arsenal í dag

Varnarmaðurinn Sol Campbell hefur nú snúið aftur til æfinga með liði sínu Arsenal eftir að hafa farið huldu höfði í nokkra daga eftir tapið fyrir West Ham í síðustu viku. Campbell gerði sig sekan um dýr mistök í leiknum og lét sig hverfa í hálfleik og hefur ekki mætt á æfingu síðan.

Arsene Wenger tók Campbell fagnandi í dag. "Það sem skiptir mestu máli er að Sol er kominn aftur og nú getur hann einbeitt sér það því að spila fótbolta aftur. Það er langbesta aðferðin til að komast yfir erfiðleikana," sagði stjórinn.