Vantar nauðsynlega miðjumann

Alex Ferguson, stjóri Manchester United, mun líklega kaupa miðjumann áður en félagaskiptagluggi janúarmánaðar er úti. Ástæðan er að margir miðjumanna liðsins eru meiddir þessa stundina þannig að nauðsynlegt er að fá inn nýjan leikmann núna. Þeir John O'Shea og Paul Scholes glíma báðir við langtímameiðsli og í vikunni bættist Ryan Giggs við þann hóp eftir að hann meiddist í leiknum gegn Blackburn í deildarbikarnum. ,,Við vitum að það verður erfitt að fá einhvern með svo stuttum fyrirvara en við munum reyna samt sem áður" sagði Ferguson.