Auraveldið 14. september 2005 00:01 Það er skammt stórra högganna á milli hjá Aurasálinni. Í síðustu viku tilkynnti hún um stofnun nýs viðskiptabanka og hefur þegar fengið firnagóð viðbrögð frá langþreyttum viðskiptavinum stórgróðabankanna. Eins og glöggir lesendur muna eftir þá mun Aurabankinn lána peninga án vaxta og mun starfsemin algjörlega byggja á trausti. Aðeins verða innheimt smávægileg þjónustugjöld til að standa straum af viðskiptunum. Vinur Aurasálarinnar hefur bent henni á að þessi framúrstefnulega hugmyndafræði kunni að eiga erindi á fleiri vígstöðum enda er stórgróðabrask víðar landlægt en í bankaheiminum. Fréttir um að götustrákarnir í Baugi Group hafi grætt tíu milljarða á fyrstu mánuðum ársins hafa komið viðvörunarbjöllum Aurasálarinnar til að hringja sem aldrei fyrr. Hér er samfélagsmein sem stinga þarf á. Aurasálin ætlar því að stofna Aurasjoppuna í kjölfar Aurabankans. Aurasjoppan verður rekin með þeirri grundvallarhugmyndafræði að hver og einn geti þar fengið þær vörur sem hann þarf en leggi inn í staðinn þá peninga sem hann getur. Aurasálin getur ekki sætt sig við að hér á landi þurfi sumir að svelta á meðan örfáir höfðingjar græði mörg mánaðarlaun verkamanns á hverjum degi. Hér er þörf á réttlæti. Viðskiptavinir Aurasjoppunnar geta fengið allar helstu nauðsynjavörur og þurfa aðeins að leggja fram tryggingu um greiðslu í gegnum Aurabankann. Þeir þurfa semsagt ekkert að borga fyrir vöruna - aðeins að eiga inneign gegn verðmætunum í Aurabankanum. Kerfið er skothelt og ólíkt því sem gerist hjá Baugsveldinu mun ágóðinn skila sér beint í vasa viðskiptavinarins í formi lægra vöruverðs í staðinn fyrir að safnast upp í erlendum bankabókum. Vissulega verður verðlagið eitthvað hærra en í öðrum búðum enda má búast við því að töluverðir dráttarvextir safnist upp hjá Aurasjoppunni fyrst um sinn á meðan beðið er eftir því að viðskiptavinirnir borgi fyrir vörur sínar. En viðskiptavinirnir geta huggað sig við það að þeim verður ekki mismunað á grundvelli efnahags og að eigandi Aurasjoppunnar, Aurasálin, mun ekki græða milljarða á hverju ári. Aðeins hófleg þjónustugjöld verða innheimt. Þannig sér Aurasálin fyrir sér að á fyrsta árinu muni þjónustugjöldin nema svona sjö prósent af heildarveltu samstæðunnar. Ef veltan er tíu milljarðar þýðir þetta að gróði Aurasálarinnar er ekki nema um sjö hundruð milljónir. Þetta er vitaskuld töluvert meira en verkamaður græðir á ári en algjörir smámunir miðað við Björgólfa, Jón Ásgeir, Bakkabræður - svo ekki sé talað um bévítans Engeyjarættina. Aurasálin mun ekki láta staðar numið við bankageirann og smásöluverslun. Auraútgerðin, Auraflug, Auraskip, Aurasjónvarp, Aurablaðið og Auraálver eru viðskiptahugmyndir sem eru langt á veg komnar. Innan skamms munu menn hlæja að Baugsveldinu - Auraveldið verður miklu stærra, miklu umfangsmeira en mun þó græða miklu minna. Og til þess að fjármagna þetta allt hyggst Aurasálin gefa út nýja mynt - Aura - sem hún mun prenta sjálf í sínum eigin Aura-Seðlabanka. Aurasálin Mest lesið Fokdýr jólagjöf til dætranna reyndist eintóm blekking Neytendur Fyrsta íslenska grænkera ostagerðin í hættu Viðskipti innlent Þau vilja stýra ÁTVR Viðskipti innlent Staðfesta að gjöf í formi bankakorts er skattskyld Viðskipti innlent Play tapaði þremur og hálfum milljarði á fyrsta ársfjórðungi Viðskipti innlent Jón segir bull að FBI-kempa hafi óvænt bankað upp á með stefnu Viðskipti innlent Um þrjátíu prósent hafa miklar áhyggjur af áhrifum tolla á Ísland Viðskipti innlent Verðbólga eykst hressilega og fer aftur yfir fjögur prósent Viðskipti innlent Gervigreindin: Stjórnendur framtíðarinnar verði þjálfarar Atvinnulíf Kemur til móts við bílaframleiðendur vegna tolla Viðskipti erlent Fleiri fréttir Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Sjá meira
Það er skammt stórra högganna á milli hjá Aurasálinni. Í síðustu viku tilkynnti hún um stofnun nýs viðskiptabanka og hefur þegar fengið firnagóð viðbrögð frá langþreyttum viðskiptavinum stórgróðabankanna. Eins og glöggir lesendur muna eftir þá mun Aurabankinn lána peninga án vaxta og mun starfsemin algjörlega byggja á trausti. Aðeins verða innheimt smávægileg þjónustugjöld til að standa straum af viðskiptunum. Vinur Aurasálarinnar hefur bent henni á að þessi framúrstefnulega hugmyndafræði kunni að eiga erindi á fleiri vígstöðum enda er stórgróðabrask víðar landlægt en í bankaheiminum. Fréttir um að götustrákarnir í Baugi Group hafi grætt tíu milljarða á fyrstu mánuðum ársins hafa komið viðvörunarbjöllum Aurasálarinnar til að hringja sem aldrei fyrr. Hér er samfélagsmein sem stinga þarf á. Aurasálin ætlar því að stofna Aurasjoppuna í kjölfar Aurabankans. Aurasjoppan verður rekin með þeirri grundvallarhugmyndafræði að hver og einn geti þar fengið þær vörur sem hann þarf en leggi inn í staðinn þá peninga sem hann getur. Aurasálin getur ekki sætt sig við að hér á landi þurfi sumir að svelta á meðan örfáir höfðingjar græði mörg mánaðarlaun verkamanns á hverjum degi. Hér er þörf á réttlæti. Viðskiptavinir Aurasjoppunnar geta fengið allar helstu nauðsynjavörur og þurfa aðeins að leggja fram tryggingu um greiðslu í gegnum Aurabankann. Þeir þurfa semsagt ekkert að borga fyrir vöruna - aðeins að eiga inneign gegn verðmætunum í Aurabankanum. Kerfið er skothelt og ólíkt því sem gerist hjá Baugsveldinu mun ágóðinn skila sér beint í vasa viðskiptavinarins í formi lægra vöruverðs í staðinn fyrir að safnast upp í erlendum bankabókum. Vissulega verður verðlagið eitthvað hærra en í öðrum búðum enda má búast við því að töluverðir dráttarvextir safnist upp hjá Aurasjoppunni fyrst um sinn á meðan beðið er eftir því að viðskiptavinirnir borgi fyrir vörur sínar. En viðskiptavinirnir geta huggað sig við það að þeim verður ekki mismunað á grundvelli efnahags og að eigandi Aurasjoppunnar, Aurasálin, mun ekki græða milljarða á hverju ári. Aðeins hófleg þjónustugjöld verða innheimt. Þannig sér Aurasálin fyrir sér að á fyrsta árinu muni þjónustugjöldin nema svona sjö prósent af heildarveltu samstæðunnar. Ef veltan er tíu milljarðar þýðir þetta að gróði Aurasálarinnar er ekki nema um sjö hundruð milljónir. Þetta er vitaskuld töluvert meira en verkamaður græðir á ári en algjörir smámunir miðað við Björgólfa, Jón Ásgeir, Bakkabræður - svo ekki sé talað um bévítans Engeyjarættina. Aurasálin mun ekki láta staðar numið við bankageirann og smásöluverslun. Auraútgerðin, Auraflug, Auraskip, Aurasjónvarp, Aurablaðið og Auraálver eru viðskiptahugmyndir sem eru langt á veg komnar. Innan skamms munu menn hlæja að Baugsveldinu - Auraveldið verður miklu stærra, miklu umfangsmeira en mun þó græða miklu minna. Og til þess að fjármagna þetta allt hyggst Aurasálin gefa út nýja mynt - Aura - sem hún mun prenta sjálf í sínum eigin Aura-Seðlabanka.
Aurasálin Mest lesið Fokdýr jólagjöf til dætranna reyndist eintóm blekking Neytendur Fyrsta íslenska grænkera ostagerðin í hættu Viðskipti innlent Þau vilja stýra ÁTVR Viðskipti innlent Staðfesta að gjöf í formi bankakorts er skattskyld Viðskipti innlent Play tapaði þremur og hálfum milljarði á fyrsta ársfjórðungi Viðskipti innlent Jón segir bull að FBI-kempa hafi óvænt bankað upp á með stefnu Viðskipti innlent Um þrjátíu prósent hafa miklar áhyggjur af áhrifum tolla á Ísland Viðskipti innlent Verðbólga eykst hressilega og fer aftur yfir fjögur prósent Viðskipti innlent Gervigreindin: Stjórnendur framtíðarinnar verði þjálfarar Atvinnulíf Kemur til móts við bílaframleiðendur vegna tolla Viðskipti erlent Fleiri fréttir Play tapaði þremur og hálfum milljarði á fyrsta ársfjórðungi Staðfesta að gjöf í formi bankakorts er skattskyld Þau vilja stýra ÁTVR Býst ekki við að verðbólgan hafi áhrif á vaxtalækkunarferlið Um þrjátíu prósent hafa miklar áhyggjur af áhrifum tolla á Ísland Lauf Cycles lýkur tæplega 500 milljóna króna fjármögnun Verðbólga eykst hressilega og fer aftur yfir fjögur prósent Tæpur tveggja milljarða hagnaður á fyrsta ársfjórðungi Ráðinn forstjóri Arctic Fish Veitingamaður ákærður fyrir hundrað milljóna skattsvik Fokdýr dómsmál tjónka ekki við ÁTVR Veiðir hrefnu í sumar og selur kjötið á Íslandi Semja við Ístak um gerð mannvirkja fyrir fyrsta vindorkuver landsins Jón segir bull að FBI-kempa hafi óvænt bankað upp á með stefnu Ekki má vanmeta áhrifin af tollastríði á íslensk fyrirtæki Pizzur í stað smurbrauðs á nýrri Króníku Fjármögnun tryggð fyrir nýrri landeldisstöð Samherja Umræðan einkennist af rangfærslum um ofurhagnað Kaupsamningur undirritaður um Grósku Ísfélagið greiðir út tveggja milljarða arð Breyta Kaffi Kjós í íbúðarhús Reynst betur að kaupa fasteign en hlutabréf Nova eignast tuttugu prósenta hlut í Dineout Munu opna tvö Starbucks-kaffihús í miðborginni Nýjar íbúðir seljast verr en aðrar vegna stærðar Bærinn vildi húsið en þurfti svo að borga tvöfalt meira Aðalgeir frá Lucinity til Símans Latabæjarnammið vel þekkt um allan heim Ölgerðin ræður tvo markaðsstjóra Íslenskur kauphallarsjóður á markað í Bandaríkjunum Sjá meira