Liverpool bauð í Milito

Real Zaragoza hefur staðfest að Liverpool hafi komið með tilboð í varnarmanninn Gabriel Milito en segja að leikmaðurinn sé ekki til sölu. Rafael Benitez, framkvæmdarstjóri Liverpoool, hefur komið með tilboð uppá 7,5 milljónir punda fyrir þennan 24 ára argentínska landsliðsmann. "Hann er mjög mikilvægur fyrir liðið og við viljum ekki selja hann. Við erum búnir að bjóða honum nýjan þriggja ára samning." sagði Miguel Pardeza, stjórnarmaður hjá Real Zaragoza. Evrópumeistarar Liverpool eru í leit að liðsstyrk í vörnina hjá sér en Milito var nálægt því að ganga til liðs við Real Madrid fyrir tveimur árum síðan. Það strandaði síðan á því að leikmaðurinn átti við meiðsli að stríða í hné. Milito er sem stendur í heimalandinu, Argentínu, þar sem hann er í sumarfríi.