Fyrsti samningur sinnar tegundar

Ellefu vikna kennsla í almannatryggingarétti verður samkvæmt samningnum kjörgrein í framhaldsnámi við lagadeild Háskóla Íslands. Námskeiðið í almannatryggingarétti er tvískipt, fyrri hlutinn byggir á meginreglum, heimildum og túlkunum félagsmálaréttar. Síðari hlutinn fjallar um almannatryggingarétt með áherslu á íslenska lífeyriskerfið og réttinn til elli- og örorkulífeyris. Tryggingastofnun veitir samkvæmt samningnum nemendum í almannatryggingarétti aðgang að upplýsingum og gögnum stofnunarinnar og leggur þeim til vinnuaðstöðu og leiðsögn við gerð verkefna.