Langmest kvartað vegna Landspítala

 Næstflestar voru vegna þjónustu á einkastofum sérfræðinga í læknisfræði og heilsugæslustöðvar voru í þriðja sæti. Alls bárust 244 kvartanir og kærur til Landlæknisembættisins á síðasta ári. Er það nokkru meira en undanfarin ár. Árið 2003 voru þær 220 talsins og 224 árið 2002. Um mánaðarmót ferbrúar - mars hafði embættið lokið við að afgreiða 106 kærur, en afgreiðslu var enn ólokið í 38 málum frá síðasta ári. Í 121 máli hafðist embættið ekki að. Það sendi viðkomandi ábendingar í 50 málum og beinar aðfinnslur í 26 málum. Langflestar kvartanirnar voru vegna ófullnægjandi eða rangrar greiningar, meðferðar eða eftirlits. Í 27 tilvikum var um samskiptavandamál að ræða.