Enn frestað í Eyjum

Tveimur handboltaleikjum sem fram áttu að fara í Vestmannaeyjum í kvöld hefur verið frestað vegna veðurs. Leikur ÍBV og Víkings í DHL deild kvenna hefur verið settur á á morgun en sá leikur átti upphaflega að fara fram í gær. Ekki hefur enn verið settur á nýr leiktími fyrir leik ÍBV og Þórs í DHL deild karla sem fram átti að fara í Eyjum í kvöld. Annars fara tveir leikir fram í kvöld í DHL deild karla. Í Austurbergi mætast ÍR og HK kl.19.15 en Valur tekur á móti Íslandsmeisturum Hauka í Valsheimilinu kl. 20.00. Í DHL deild kvenna mætast Haukar og Stjarnan en sá leikur hófst kl. 18.00.