Grindavík vann ÍS

Grindavík bar sigurorð af ÍS, 67-55, í leik liðanna í 1. deild kvenna á miðvikudagskvöldið í Grindavík. Heimastúlkur höfðu yfirhöndina allan leikinn og leiddu með þremur stigum í hálfleik, 37-34. Myriah Spence var stigahæst hjá Grindavík með 19 stig og tók 12 fráköst, Erla Þorsteinsdóttir skoraði 18 stig og Erla Reynisdóttir skoraði 15 stig. Signý Hermannsdóttir skoraði 23 stig og tók 15 fráköst fyrir ÍS og Alda Leif Jónsdóttir skoraði 18 stig, tók 8 fráköst og gaf 8 stoðsendingar.