Ekki tekið á meintum lögbrotum

Hugsanlegt er að meint lögbrot kennara verði látin kyrrt liggja ef kennarar samþykkja kjarasamning þann sem undirritaður var milli Kennarasambands Íslands og launanefndar sveitarfélaga síðdegis í gær. Í Grunnskólanum á Fáskrúðsfirði sögðu allir kennararnir upp störfum. Þórhildur Helga Þorleifsdóttir skólastjóri sagði að ekki yrði brugðist við með neinum sérstökum hætti. "Við vonum bara að þetta leysist farsællega og að þessar uppsagnir gangi til baka. Við höldum sjó á meðan og tökum á því þegar þar að kemur," sagði hún.