Tónlistarkennarar lýsa stuðningi

Tónlistarskólakennarar hafa lýst yfir stuðningi við kjarabaráttu grunnskólakennara. Á svæðisþingi tónlistarskóla á Suðurlandi, Suðurnesjum og höfuðborgarsvæðinu, sem haldið var í Reykjavík 24. september sl., var eindregnum stuðningi við launakröfur grunnskólakennara lýst yfir. Þingið skoraði á samninganefnd Launanefndar sveitarfélaga að leita allra leiða til að færa laun grunnskólakennara til samræmis við laun annarra háskólamenntaðra stétta. Sýna ætti menntun og störfum kennara virðingu og styrkja með því velferð í landinu.