Fullkomin baðherbergislýsing

* Njóttu dagsljóssins til hins ýtrasta. Taktu niður gluggatjöld og annað sem skyggir á dagsbirtuna. Ef þér finnst eins og einhver geti séð inn til þín þá getur þú sett filmu í gluggann. * Ef þú ert bara með eitt ljós á baðherberginu þá er alls ekki óvitlaust að setja dimmara á það. * Settu fullt af litlum ljósum með lágan straum í loftið. Þannig baðar ljósið veggina. * Settu fullt af ljósaperum í kringum spegilinn á baðherberginu. Þær gefa jafna birtu alla hringinn. * Hafðu mismunandi rofa fyrir hvert ljós svo auðvelt sé að breyta stemningunni. En slökktu samt á öllum ljósum þegar þú ferð í bað og kveiktu á kertum í staðinn. * Reyndu að hafa lýsingu sem þægilegasta fyrst á morgnana þannig að þú farir ekki pirruð/aður í vinnuna. Síðan er gott að hafa sterka lýsingu þegar þarf að plokka óæskileg hár og mála sig fyrir kvöld í bænum.