Innherji
Vöxtur hagnaðar félaga í Úrvalsvísitölunni umfram virði
Hagnaður félaganna sem mynda Úrvalsvísitöluna í Kauphöllinni (OMXI15) hefur aukist umtalsvert á sama tíma og virðishlutföllin hafa lítið breyst.
Greinendur „hissa“ með niðurstöðuna hjá Oculis en mæla enn með kaupum
Greinendur hafa lækkað verðmöt sín á Oculis eftir að ljóst varð að eitt af þremur þróunarlyfjum þess mistókst að ná markmiðum sínum í lykilrannsóknum en taka fram að þrátt fyrir vonbrigðin þá sé virði félagsins einkum byggt á lyfinu Privosegtor (OSC-05), sem er til meðferðar við bráðri sjóntaugabólgu, og mæla enn með kaupum. Líklegt er talið að gengi bréfa Oculis muni í kjölfarið haldast í kringum 15 til 20 dalir á hlut, um og yfir þriðjungi lægra en fyrir helgi.
Af hverju Íran óttast að samningur geti orðið upptaktur að nýjum átökum síðar
Í Teheran eru þær tilslakanir sem Bandaríkin virðast tilbúin að veita taldar of góðar til að vera sannar.
Íslenskir fjárfestar verða fyrir tugmilljarða höggi við gengishrun Oculis
Eitt af þremur þróunarlyfjum Oculis, sem fjárfestar höfðu bundið miklar vonir við, mistókst að ná aðalmarkmiðum sínum þegar niðurstöður úr tveimur fasa 3 rannsóknum voru tilkynntar síðla dags í gær og því verður ekki sótt um markaðsleyfi hjá FDA. Markaðsvirði félagsins, sem var áður um 250 milljarðar, féll í kjölfarið um helming á Bandaríkjamarkaði en íslenskir fjárfestar – einkum lífeyrissjóðir, verðbréfasjóðir og spákaupamenn – verða fyrir umtalsverðu höggi sem á eftir að smitast yfir á hlutabréfamarkaðinn í heild sinni.
„Afar brýnt“ að klára frumvarp um rýmri fjárfestingarheimildir lífeyrissjóða
Formaður Landssamtaka lífeyrissjóða segir að nú þegar blikur séu á lofti í íslensku hagkerfi þá skipti máli að búa yfir öflugu lífeyriskerfi til að koma hjólum atvinnulífsins af stað, meðal annars með aðkomu að innviðaverkefnum. Þess vegna sé „afar brýnt“ að lögfesta frumvarp um um rýmri fjárfestingarheimildir lífeyrissjóðanna fyrir sumarið.
Kjölur selur allan hlut sinn í Reitum fyrir nærri fjóra milljarða
Fjárfestingafélagið Kjölur, einn stærsti einkafjárfestirinn í Reitum, hefur losað um allan eignarhlut sinn fyrir um 3,9 milljarða króna en salan kemur í kjölfar þess að annar af eigendum félagsins dró framboð sitt til stjórnar til baka vegna óánægju með að fá ekki stuðning til formennsku.
„Íslenskar hugmyndir“ um laun hafa lítið gildi á erlendum samkeppnismarkaði
Seðlabankastjóri segist hafa „áhyggjur“ af kjaradeilum flugmanna og Icelandair, sérstaklega ef þær leiða til verkfallsaðgerða með tilheyrandi tjóni fyrir allt atvinnulífið, og bendir á að „íslenskar hugmyndir“ um hver launin eigi að vera stangist oft á við raunveruleikann á alþjóðlegum samkeppnismarkaði.
Afhendingargeta verður næsta stóra samkeppnismál Íslands
Lönd keppa ekki lengur aðeins um að framleiða græna orku. Þau munu líka keppa um að nýta hana rétt. Þar getur næsta samkeppnisforskot Íslands legið. Hvernig orkan er afhent mun skipta jafn miklu máli og hversu mikið er framleitt.
Uppgjör Brims framar væntingum en horfur framundan sagðar „blendnar“
Þrátt fyrir samdrátt í bolfisksafla þá þýddi hátt afurðaverð að rekstrarhagnaður Brims á fyrstu þremur mánuðum ársins, sem var talsvert yfir væntingum greinenda, var sá næstmesti í sögu félagsins. Hlutabréfaverð Brims er núna í hæstu hæðum en stjórnendur segja að horfur framundan séu „blendnar“.
Eik talið verulega undirverðlagt á markaði í nýrri greiningu
Eik er talið verulega undirverðlagt á markaði samkvæmt nýútgefinni frumskýrslu og er fasteignafélagið metið á ríflega sextíu prósent hærra verði en núverandi markaðsgengi. Kaupin á fasteignasafni Festingar, sem eru sögð á hagstæðari verðmargfaldara en önnur sambærileg viðskipti á undanförnum árum, eru talin geta orðið mikilvægur drifkraftur vaxtar hjá félaginu á komandi árum.
Framkvæmdastjóri Íslandssjóða segir flugmenn taka Icelandair „í gíslingu“
Framkvæmdastjóri Íslandssjóða segir flugmenn Icelandair hafa tekið félagið í „gíslingu“ og að það stefni að óbreyttu „aftur í gjaldþrot“ eftir tugmilljarða tap á undanförnum árum. Hann segir að engir fjárfestar muni leggja fyrirtæki til fjármuni sem er ósamkeppnishæft út af „legacy“ samningum við flugstéttir sem séu að eyðileggjar rekstur félagsins.
Ekki eyða fyrsta árinu í stefnumótun eða skipulagsbreytingu – látið verkin tala
Nýjar sveitarstjórnir hafa fjögur ár til að skila árangri. Ekki sóa þeim í enn eina stefnumótunina eða skipulagsbreytinguna.
Verðbólguþróunin í sumar mun ríða baggamuninn um næstu skref bankans
Ef mælingin núna í maí, sú fyrsta af þremur þangað til peningastefnunefnd kemur næst saman, verður yfir fimm prósent þá mun það halda annarri vaxtahækkun í ágúst opinni, að mati aðalhagfræðings Kviku. Sé litið á meðalspá fimm greinenda þá er útlit fyrir að tólf mánaða takturinn lækki eilítið en verði eftir sem áður rúmlega fimm prósent.
Fiskeldisrisar sagðir vera með augun á yfirtöku á Kaldvík og gengið rýkur upp
Nokkur af stærstu laxeldisfyrirtækjum í heimi, meðal annars Bakkafrost í Færeyjum, eru sögð vera að íhuga yfirtökutilboð í Kaldvík og hækkaði hlutabréfaverð þess skarpt á markaði fyrir helgi. Fiskeldisfyrirtækið á Austfjörðum hefur glímt við röð áfalla í rekstrinum um nokkurt skeið og markaðsvirðið er niður um nærri áttatíu prósent á einu ári.
„Munum aldrei“ geta tekið upp evru nema koma vinnumarkaðinum fyrst í lag
Krónan er ekki orsakavaldur þeirrar þrálátu verðbólgu sem peningastefnunefnd Seðlabankans er núna að reyna ná niður með hækkun vaxta, að sögn seðlabankastjóra, heldur er fremur augljóst að miklar launahækkanir eru að birtast með skýrum hætti í verðbólgutölunum. Hann segir að vinnumarkaðslíkanið sé greinilega „brotið“ og það muni ekki lagast sjálfkrafa við mögulega inngöngu Íslands í evrópska myntbandalagið heldur þurfi að koma því í lag á undan.
Af hverju Warsh vill að Seðlabanki Bandaríkjanna tali minna
Verðandi seðlabankastjóri telur að stöðugar galdraþulur frá bankanum geti gert meiri skaða en gagn fyrir miðlun peningastefnunnar.
Vogunarsjóðsrisi fjárfestir í íslenskum líftæknifélögum fyrir milljarða
Bandaríska félagið Millennium Management, einn stærsti og áhrifamesti vogunarsjóður í heimi, er kominn í hóp stærstu hluthafa tveggja skráðra íslenskra líftæknifélaga eftir að hafa stækkað stöðu sínu verulega á fyrstu mánuðum ársins með kaupum fyrir marga milljarða.
Guggenheim metur Oculis hæst allra greinenda í sínu fyrsta verðmati
Bandaríski fjárfestingabankinn Guggenheim hefur bæst í hóp fjölda erlendra fjármálastofnana sem fjalla reglulega um líftæknifyrirtækið Oculis og verðmeta það núna hæst allra greinenda.
Vextir hækkaðir samhliða horfum á minni hagvexti og meira atvinnuleysi
Annan fundinn í röð hefur peningastefnunefnd ákveðið að hækka meginvexti Seðlabankans um 25 punkta, sem var í samræmi við spár flestra greinenda, á sama tíma og ný þjóðhagsspá teiknar upp dekkri efnahagshorfur sem einkennast af minni hagvexti og meira atvinnuleysi. Nefndin segist reiðubúin að herða taumhald peningastefnunnar frekar en ekki er útlit fyrir að verðbólgan fari undir fjögur prósent fyrr en á seinni hluta næsta árs.
Hver ræður í Barentshafi?
Sama spurning blasir við Íslendingum í dag og Norðmönnum árið 1994. Viljum við halda eigin sæti við samningaborðið eða víkja úr því sæti og fela ESB að taka ákvarðanir fyrir okkar hönd? Togstreita Norðmanna og ESB varðandi fiskveiðar í Barentshafi leiðir í ljós kjarnann í þessari spurningu.
Landsnet og gagnaversfélagið Verne taka í notkun stórt tengivirki í einkaeigu
Félagið Verne Global, sem rekur umfangsmikið gagnaver hér á landi og víðar í Evrópu, og Landsnet hafa í dag tekið í notkun stærsta tengivirki í einkaeigu á Reykjanesskaga. Áfanginn er sagður marka mikilvægt skref í uppbyggingu stækkanlegra og sjálfbærra innviða fyrir afkastamikla tölvuvinnslu og gagnaver á Íslandi.
Lífeyrissjóðir vilja að stór viðskipti milli tengdra aðila þurfi samþykki hluthafa
Íslensku lífeyrissjóðirnir, langsamlega umsvifamestu fjárfestarnir á markaði, segja varasamt að miða við tiltekið hlutfall af heildareignum þegar stjórnir félaga þurfa að samþykki viðskipti milli tengdra aðila enda yrði reglan í reynd óvirk hjá skuldsettum fyrirtækjum. Þá hafna samtök sjóðanna að það felist í því „gullhúðun“ ef farin er sú leið að umfangsmikil viðskipti tengdra aðila þurfi að bera undir ákvörðun hluthafafundar.
Ávinningur búsins vegna starfsemi Play á Möltu gæti numið hundruðum milljóna
Forgangskröfuhafar Play hafa samþykkt samkomulag sem þrotabúið hefur gert við skuldabréfaeigendur, sem halda utan um flugrekstrarleyfi á Möltu, en samkvæmt því gæti hlutdeild búsins af mögulegum endurheimtum þegar starfsemin þar kemst á flug numið um tíu prósent ef ávinningurinn reynist yfir tveir milljarðar. Frekari fjárhæðir falla í skaut þrotabúsins ef það tekst að innheimta fjármuni umfram höfuðstól skuldabréfaútboðsins.
Ísland og aðildarviðræður við ESB: samningsmarkmið og hagsmunir
Gengi ESB að kröfum um forræði og yfirráð Íslands yfir auðlindum snerist málið ekki lengur um af hverju Ísland ætti ekki erindi í ESB nema að uppfylltum skilyrðum. Þess í stað kæmi að þeirri grundvallarspurningu af hverju Ísland ætti erindi í ESB; hvaða íslenskir hagsmunir kalli á aðild. Ein leið til að átta sig á því er að skoða af hverju fyrri umsóknarríki um aðild sóttust eftir að komast í ESB.
Félögin á markaði að jafnaði undirverðlögð um meira en fjórðung
Markaðsvirði mikils meirihluta fyrirtækja í Kauphöllinni er vanmetið miðað við nýjustu verðmöt, að sögn hlutabréfagreinanda, og hefur þetta vanmat aukist nokkuð að undanförnu þótt almennt hafi verið gert ráð fyrir þyngri róðri í rekstri félaga á þessu ári en áður.
Hvernig Rússland tapaði vinum sínum og áhrifum á heimsvísu
Frá því að Vladimir Pútín hóf allsherjarinnrás sína í Úkraínu fyrir meira en fjórum árum hefur honum ekki aðeins mistekist að ná þeim hernaðarlega sigri sem hann þráði. Hann hefur einnig grafið undan fjölmörgum samböndum og tengslum sem hann eyddi áratugum í að byggja upp, með þeim afleiðingum að Rússland er nú einangraðra en á nokkrum tíma síðan á fyrstu árum bolsévikabyltingarinnar.
Varar við „alvarlegri stöðu“ sem geti haft ófyrirsjáanlegar afleiðingar fyrir félagið
Forstjóri Icelandair fer hörðum orðum um „ólögmætar […] samstilltar aðgerðir“ flugmanna félagsins síðustu vikur, sem hafa orðið þess valdandi að aflýsa hefur þurft fjölda flugferða, og segir alvarlega stöðu vera að teiknast upp sem geti haft „ófyrirsjáanlegar afleiðingar“ með tjóni sem hluthafar hafi engan áhuga á að taka á sig. Þá fullyrðir hann að þrátt fyrir bætta nýtingu undanfarin ár þá sé flugmannakostnaður Icelandair orðinn ósamkeppnishæfur.
Spá stórri vaxtahækkun til að ná aðhaldinu á ný upp í „æskilegt stig“
Trúverðugleiki peningastefnunnar er „mjög laskaður“ eftir lang tímabil þar sem verðbólgan hefur verið umfram markmið og nefndin mun sennilega vilja ná fram sama aðhaldi og var áður en verðbólgan fór að rísa á nýjan leik undir lok síðasta árs, að mati hagfræðinga IFS, sem spá því að vextir hækki um fimmtíu punkta í næstu viku.
Auglýsingasala gefur byr í seglinn hjá Símanum þrátt fyrir kólnandi hagkerfi
Þótt það sé tekið að hægja á umsvifum í hagkerfinu þá hefur auglýsingasalan hjá Símanum verið á „skriði“, að sögn hlutabréfagreinanda, og væntingar um að þær tekjur muni halda áfram að vaxa umfram hagvöxt en fjárfestum er ráðlagt að bæta við sig bréfum í félaginu. Vakin er athygli á því að við áformuð kaup á miðlum Sýnar þá fylgir með skattalegur afskriftastofn sem er sagður sambærilegur verðmiðanum á félaginu.
Nefndin „verður“ að hækka aftur vexti vilji hún viðhalda trúverðugleika sínum
Við núverandi aðstæður þarf peningastefnunefnd Seðlabankans að senda skýr skilaboð til viðhalda trúverðugleika sínum, að sögn greinenda Acro, en ljóst er að verðbólguhorfur hafa ekki batnað frá síðustu vaxtahækkun fyrir tveimur mánuðum. Þeir telja líklegast að vextir hækki um 25 punkta í næstu viku, en alls ekki sé hægt að útiloka enn stærra skref.
