Gluggakaupin gulls ígildi Tómas Þór Þórðarson skrifar 24. september 2015 06:00 fréttablaðið Félagaskiptaglugginn um mitt mót á Íslandi, sem stendur opinn frá 15.-31. júlí, hefur kannski sjaldan gert jafn mikið fyrir jafn mörg lið í Pepsi-deild karla og á þessu ári. Sumir „gluggakarlarnir“, eins og þeir eru stundum kallaðir, hafa skipt sköpum fyrir nokkur lið þó sum hafi keypt köttinn í sekknum eins og gerist og gengur. Fjórir erlendir leikmenn; þrír sem komu að utan og einn sem skipti um lið innanlands, gerðu heilmikið fyrir liðin sem þeir komu til. Þetta eru Daninn Kennie Chopart sem gekk í raðir Fjölnis, Serbinn Vladimir Tufegdzec sem kom til Víkings, Spánverjinn José Enrique, Sito, sem samdi við ÍBV og Trínidadinn Jonathan Glenn sem skipti frá ÍBV til Breiðabliks.Hélt titilbaráttunni á lífi Breiðablik er búið að vera í toppbaráttunni nánast allt Íslandsmótið, en þegar Jonathan Glenn kom frekar óvænt frá ÍBV var liðið í þriðja sæti, tveimur stigum á eftir FH. Fátt var meira rætt í kringum Blikaliðið en hversu mikið það vantaði markaskorara þar sem Ellert Hreinsson stóð ekki undir væntingum. Glenn misnotaði dauðafæri gegn KR í fyrsta leik en fór svo á flug og er búinn að skora sjö mörk í átta leikjum. Hann einn tryggði Breiðabliki sex dýrmæt stig með mörkum í tveimur 1-0 sigrum á Stjörnunni og Val á útivelli.Skelfilegur en svo frábær Það getur verið stutt á milli í fótboltanum. Daninn Kennie Chopart, sem var öflugur með Stjörnunni í Pepsi-deildinni fyrir tveimur árum, leit skelfilega út hjá Fjölni í fyrsta leik sem liðið tapaði, 4-0, í Vestmannaeyjum. Einhverjir héldu að Fjölnir hefði keypt köttinn í sekknum svo var reyndar ekki. Chopart hefur síðan þá skorað fimm mörk í átta leikjum og er stór ástæða þess að Fjölnismenn eiga enn möguleika á Evrópusæti þegar tvær umferðir eru eftir. Fjölnismenn byggðu leik sinn á sterkri vörn framan af, en með Chopart sem neistann í framlínunni skorar Fjölnir nú meira en nokkru sinni fyrr og stefnir hraðbyri að markmiði sínu að ná að minnsta kosti fimmta sæti.Rosaleg frumraun Víkingar hafa oft látið meira að sér kveða í félagaskiptaglugganum þegar illa hefur gengið. Liðið var í ruglinu eftir hálft mót; með níu stig í tíunda sæti og gat varla keypt sér sigur. Milos Milojevic tók við þjálfun liðsins og horfði heim til Serbíu. Hann vissi af 24 ára gömlum framherja sem byrjaði á því að skora eitt mark og leggja upp önnur fjögur eftir að koma inn á sem varamaður í hálfleik gegn Keflavík. Í heildina er Tufegdzic búinn að skora þrjú mörk í níu leikjum, en hann tryggði liðinu stig með marki undir lok leiks á útivelli gegn Stjörnunni. Hraði hans og styrkur hefur gætt sóknarleik Víkings nýju lífi og þurftu Víkingar svo sannarlega á því að halda.Spænskir töfrar ÍBV er ekki sloppið við fall, en það er í góðri stöðu þegar tvær umferðir eru eftir. Liðið var í ellefta sæti með átta stig þegar mótið var hálfnað, en þá mætti Spánverjinn José Enrique, Sito, til leiks. Hann byrjaði á því að skora tvö mörk í fyrsta leik gegn Fjölni í sigurleik og bætti við öðrum tveimur gegn Leikni í mikilvægum sigri í fallslag í Breiðholti. Í heildina er hann búinn að skora sex mörk í níu leikjum og haldi ÍBV sér uppi – sem allar líkur eru á – getur liðið að stórum hluta þakkað Sito fyrir það. ÍBV hefur ekki tapað leik sem Sito hefur skorað í.Kettir í sekk Ekki heppnast öll kaup eins og gerist og gengur. Það getur verið dýrkeypt í fallbaráttunni eins og Keflavík og Leiknir geta vitnað um. Keflavík fékk reyndar norska framherjann Martin Hummervoll sem er góður spilari og ljósið í myrkrinu í Bítlabænum. Aðrir leikmenn á borð við Farid Zato, Chuck og enska varnarmanninn Paul Bignot hafa engan veginn heppnast. Liðið er nálægt því að verða það slakasta í sögu tólf liða deildar. Leiknismenn þurftu ekkert meira en framherja þar sem þeir sem komu til liðsins fyrir tímabilið klikkuðu algjörlega. Veðjað var á Hollendinginn Danny Schreurs sem skilaði ekki einu marki í sjö leikjum. Hann klúðraði hverju dauðafærinu á fætur öðru og nú er búið að senda hann heim fyrir agabrot. Leiknismenn eru líklegir til að fylgja Keflavík niður um deild. Schreurs verður ekki kennt alfarið um það, en hann stóð ekki undir væntingum og var svo sannarlega kötturinn í sekknum. Pepsi Max-deild karla Mest lesið Veðmál systkina til lykta leitt: „Veit að ég mun aldrei tapa fyrir honum“ Sport Bein útsending: Bakgarðshlaupið í Heiðmörk Sport Iðrast gjörða sinna: „Var klárlega rangt af mér“ Íslenski boltinn Bað börnin sín afsökunar á dánarbeðinum Fótbolti UEFA sé að missa þolinmæðina gagnvart Íslandi Íslenski boltinn „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Ferguson saknar fótboltans Enski boltinn Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Fleiri fréttir „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjá meira
Félagaskiptaglugginn um mitt mót á Íslandi, sem stendur opinn frá 15.-31. júlí, hefur kannski sjaldan gert jafn mikið fyrir jafn mörg lið í Pepsi-deild karla og á þessu ári. Sumir „gluggakarlarnir“, eins og þeir eru stundum kallaðir, hafa skipt sköpum fyrir nokkur lið þó sum hafi keypt köttinn í sekknum eins og gerist og gengur. Fjórir erlendir leikmenn; þrír sem komu að utan og einn sem skipti um lið innanlands, gerðu heilmikið fyrir liðin sem þeir komu til. Þetta eru Daninn Kennie Chopart sem gekk í raðir Fjölnis, Serbinn Vladimir Tufegdzec sem kom til Víkings, Spánverjinn José Enrique, Sito, sem samdi við ÍBV og Trínidadinn Jonathan Glenn sem skipti frá ÍBV til Breiðabliks.Hélt titilbaráttunni á lífi Breiðablik er búið að vera í toppbaráttunni nánast allt Íslandsmótið, en þegar Jonathan Glenn kom frekar óvænt frá ÍBV var liðið í þriðja sæti, tveimur stigum á eftir FH. Fátt var meira rætt í kringum Blikaliðið en hversu mikið það vantaði markaskorara þar sem Ellert Hreinsson stóð ekki undir væntingum. Glenn misnotaði dauðafæri gegn KR í fyrsta leik en fór svo á flug og er búinn að skora sjö mörk í átta leikjum. Hann einn tryggði Breiðabliki sex dýrmæt stig með mörkum í tveimur 1-0 sigrum á Stjörnunni og Val á útivelli.Skelfilegur en svo frábær Það getur verið stutt á milli í fótboltanum. Daninn Kennie Chopart, sem var öflugur með Stjörnunni í Pepsi-deildinni fyrir tveimur árum, leit skelfilega út hjá Fjölni í fyrsta leik sem liðið tapaði, 4-0, í Vestmannaeyjum. Einhverjir héldu að Fjölnir hefði keypt köttinn í sekknum svo var reyndar ekki. Chopart hefur síðan þá skorað fimm mörk í átta leikjum og er stór ástæða þess að Fjölnismenn eiga enn möguleika á Evrópusæti þegar tvær umferðir eru eftir. Fjölnismenn byggðu leik sinn á sterkri vörn framan af, en með Chopart sem neistann í framlínunni skorar Fjölnir nú meira en nokkru sinni fyrr og stefnir hraðbyri að markmiði sínu að ná að minnsta kosti fimmta sæti.Rosaleg frumraun Víkingar hafa oft látið meira að sér kveða í félagaskiptaglugganum þegar illa hefur gengið. Liðið var í ruglinu eftir hálft mót; með níu stig í tíunda sæti og gat varla keypt sér sigur. Milos Milojevic tók við þjálfun liðsins og horfði heim til Serbíu. Hann vissi af 24 ára gömlum framherja sem byrjaði á því að skora eitt mark og leggja upp önnur fjögur eftir að koma inn á sem varamaður í hálfleik gegn Keflavík. Í heildina er Tufegdzic búinn að skora þrjú mörk í níu leikjum, en hann tryggði liðinu stig með marki undir lok leiks á útivelli gegn Stjörnunni. Hraði hans og styrkur hefur gætt sóknarleik Víkings nýju lífi og þurftu Víkingar svo sannarlega á því að halda.Spænskir töfrar ÍBV er ekki sloppið við fall, en það er í góðri stöðu þegar tvær umferðir eru eftir. Liðið var í ellefta sæti með átta stig þegar mótið var hálfnað, en þá mætti Spánverjinn José Enrique, Sito, til leiks. Hann byrjaði á því að skora tvö mörk í fyrsta leik gegn Fjölni í sigurleik og bætti við öðrum tveimur gegn Leikni í mikilvægum sigri í fallslag í Breiðholti. Í heildina er hann búinn að skora sex mörk í níu leikjum og haldi ÍBV sér uppi – sem allar líkur eru á – getur liðið að stórum hluta þakkað Sito fyrir það. ÍBV hefur ekki tapað leik sem Sito hefur skorað í.Kettir í sekk Ekki heppnast öll kaup eins og gerist og gengur. Það getur verið dýrkeypt í fallbaráttunni eins og Keflavík og Leiknir geta vitnað um. Keflavík fékk reyndar norska framherjann Martin Hummervoll sem er góður spilari og ljósið í myrkrinu í Bítlabænum. Aðrir leikmenn á borð við Farid Zato, Chuck og enska varnarmanninn Paul Bignot hafa engan veginn heppnast. Liðið er nálægt því að verða það slakasta í sögu tólf liða deildar. Leiknismenn þurftu ekkert meira en framherja þar sem þeir sem komu til liðsins fyrir tímabilið klikkuðu algjörlega. Veðjað var á Hollendinginn Danny Schreurs sem skilaði ekki einu marki í sjö leikjum. Hann klúðraði hverju dauðafærinu á fætur öðru og nú er búið að senda hann heim fyrir agabrot. Leiknismenn eru líklegir til að fylgja Keflavík niður um deild. Schreurs verður ekki kennt alfarið um það, en hann stóð ekki undir væntingum og var svo sannarlega kötturinn í sekknum.
Pepsi Max-deild karla Mest lesið Veðmál systkina til lykta leitt: „Veit að ég mun aldrei tapa fyrir honum“ Sport Bein útsending: Bakgarðshlaupið í Heiðmörk Sport Iðrast gjörða sinna: „Var klárlega rangt af mér“ Íslenski boltinn Bað börnin sín afsökunar á dánarbeðinum Fótbolti UEFA sé að missa þolinmæðina gagnvart Íslandi Íslenski boltinn „Hún reif í mig og hraunaði yfir mig, á Marilegan hátt“ Sport Stöðvuðu bardaga Valgerðar Sport Ferguson saknar fótboltans Enski boltinn Heimsmeistaranum refsað fyrir notkun blótsyrðis Formúla 1 Þjálfarinn í byrjunarliðinu: „Mér fannst þörf á smá aga í leikinn“ Handbolti Fleiri fréttir „Okkar að stöðva drauma þeirra í fæðingu“ UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Seinna spjaldið var ekki viljandi: „Er bara pirraður og missi hausinn“ Uppgjörið: Afturelding - Fjölnir 3-1 | Brenndu víti en tóku tveggja marka forystu Húbba Búbba kippt af dagskrá: „Það eina sem ég spila í Víkinni er fótbolti“ Eftirsjá Gary Martin: „Mín skoðun, fólk mun ekki vera sammála henni“ Utan vallar: Total-fótboltamaðurinn sem rétti Blikakúrsinn „Ég á Íslandi líf mitt að þakka“ Stúkan: „Sama hvað hann gerir ekki gefa honum gult spjald“ Keflavík í góðri stöðu „Mér finnst að allar þessar krúsídúllur eigi að bíða“ Þóra vonar að Tinna finni sér annað lið: „Kæmi mér á óvart ef það yrði ekki slegist um hana“ Flestir mæta á heimaleiki Blika Sjáðu heimsókn Nabblans á Meistaravelli Svona raðast leikirnir í Bestu deild karla Björn Daníel brattur: „Ætli þetta sé ekki hrörnun vöðvanna sökum aldurs?“ Sjáðu mörkin úr stórsigrum Vals og Víkings Rifjuðu upp þegar Gummi spurði strákana eftir tvær umferðir hvort KR gæti orðið meistari Lárus Orri ekki enn búinn að fyrirgefa Graham Potter: „Hann var svolítið linur“ Rúnar Páll: Fáránlega mikið af mörkum á okkur sem boðar ekki gott Aron: Að það þurfi tæklingu til þess að kveikja á liðinu finnst mér lélegt „Þetta er fokking Valur-KR og ef menn fá ekki að kljást í þeim leik þá er eitthvað að“ Arnar: Hleyptum þeim sjaldan úr skotgröfunum Uppgjörið: Valur - KR 4-1 | Valsarar sleppa ekki takinu á Vesturbæingum Uppgjörið: Fylkir - Víkingur- 0-6 | Miskunnarlausir Víkingar á toppnum Laus við veikindin og klár í slaginn Sjá meira