Íþróttir
Holyfield ætlar að keppa aftur
Fyrrum heimsmeistarinn í þungavigt, Evander Holyfield, hefur enn ekki sagt sitt síðasta í hringnum og ætlar að bjóða upp á eina endurkomuna enn. Holyfield hefur ekki barist síðan árið 2004, en þá tapaði hann svo illa að hnefaleikaleyfið var tekið af honum í New York.
Villenueve ræðst hart að Schumacher
Fyrrum heimsmeistarinn í Formúlu 1, Kanadamaðurinn Jacques Villenueve, er harðorður í garð Michael Schumacher hjá Ferrari og kallar hann lygara og bragðaref sem aldrei muni ná að festa sig í sessi sem goðsögn í íþróttinni vegna þessa.
Spilum aldrei aftur á Amsterdam mótinu
Sir Alex Ferguson segir að það komi ekki til greina að lið Manchester United spili aftur á árlegu æfingamóti í Amsterdam eftir að þeir Paul Scholes og Wayne Rooney uppskáru þriggja leikja bann í ensku úrvalsdeildinni fyrir að láta reka sig af velli í leik gegn Porto á mótinu á dögunum.
Emerton framlengir við Blackburn
Ástralski landsliðsmaðurinn Brett Emerton hefur skrifað undir nýjan fjögurra ára samning við enska úrvalsdeildarfélagið Blackburn. Emerton gekk í raðir Blackburn frá hollenska liðinu Feyenoord árið 2003 fyrir 2,2 milljónir punda og er sjötti leikmaðurinn á skömmum tíma sem framlengir samning sinn við félagið, sem náði frábærum árangri í úrvalsdeildinni á síðustu leiktíð.
Grönholm í forystu
Heimamaðurinn Marcus Grönholm hefur nauma forystu á heimsmeistarann Sebastien Loeb þegar eknar hafa verið 6 fyrstu leiðirnar í Finnlandsrallinu. Loeb hefur verið gjörsamlega óstöðvandi það sem af er tímabili rétt eins og undanfarin ár, en Grönholm er til alls líklegur á heimavelli sínum.
Við viljum fá Hargreaves
Sir Alex Ferguson, knattspyrnustjóri Manchester United, hefur staðfest að félagið hafi mikinn hug á að fá enska landsliðsmanninn Owen Hargreaves í sínar raðir frá Þýskalandsmeisturum Bayern Munchen.
Heiðar á pari í Svíþjóð
Kylfingurinn Heiðar Davíð Bragason er á pari eftir tvo fyrstu hringina á sænsku mótaröðinni í golfi sem fram fer á Haverdal vellinum. Heiðar lék á 71 höggi í dag eða einu höggi undir pari, en hann var á höggi yfir pari í gær. Heiðar er þó nokkuð langt frá efstu mönnum á mótinu.
Dirk Kuyt stóðst læknisskoðun
Hollenski landsliðsframherjinn Dirk Kuyt hefur staðist læknisskoðun hjá enska úrvalsdeildarfélaginu Liverpool og er því formlega genginn í raðir félagsins frá Feyenoord. Kaupverðið er talið vera um 10 milljónir punda.
Verður ekki með um helgina
Varnarmaðurinn Ashley Cole hjá Arsenal verður ekki í leikmannahópi liðsins um helgina þegar það mætir Aston Villa í opnunarleik sínum í úrvalsdeildinni, þó hann sé heill heilsu og vilji spila. Þetta er vegna þeirrar miklu óvissu sem ríkir um framtíð hans hjá félaginu, en Cole hefur lengi verið orðaður við Englandsmeistara Chelsea.
Ég smellpassa inn í Norrköping
Sóknarmaðurinn Garðar Gunnlaugsson gekk í raðir sænska liðsins Norrköping fyrir skömmu og er að koma sér fyrir þar ytra. Hann hefur farið vel af stað í sænska boltanum og skorað tvö mörk í þeim þremur leikjum sem hann hefur leikið til þessa. Hann var ekki lengi að finna fjölina og segist smellpassa inn í liðið.
Barcelona lagði Espanyol
Barcelona er í ágætum málum í meistarakeppninni á Spáni eftir 1-0 sigur á grönnum sínum í Espanyol í fyrri viðureign liðanna í kvöld, en leikurinn fór fram á heimavelli Espanyol. Ludovic Giuly skoraði sigurmark Barca rétt áður en flautað var til leikhlés eftir frábæran undirbúning Ronaldinho, en Eiður Smári Guðjohnsen fékk ekki tækifæri með liðinu að þessu sinni. Liðin eigast við öðru sinni á Nou Camp á sunnudag og verður sá leikur einnig sýndur beint á Sýn.
Chelsea kærir fyrrum eiganda
Forráðamenn Englandsmeistara Chelsea hafa sent enska knattspyrnusambandinu formlega kvörtun vegna niðrandi ummæla og ásakana fyrrum eiganda félagsins Ken Bates í sinn garð. Bates er í dag eigandi Leeds United sem leikur í fyrstu deild.
Kanu til Portsmouth
Enska úrvalsdeildarfélagið Portsmouth hefur gengið frá eins árs samningi við Nígeríumanninn Kanu, sem áður lék til að mynda með Arsenal og West Brom. Kanu er 31 árs gamall og er fimmti leikmaðurinn sem Harry Redknapp kaupir í sumar. Redknapp er í miklum vandræðum með meiðsli framherja sinna og því ætti Kanu að reynast honum happafengur nú rétt fyrir upphaf leiktíðar á Englandi.
Barcelona yfir í hálfleik
Barcelona hefur yfir 1-0 gegn Espanyol þegar flautað hefur verið til leikhlés í viðureign liðanna um meistarabikarinn á Spáni. Það var Ludovic Giuly sem skoraði mark Börsunga á 43. mínútu eftir glæsilegan undirbúning Brasilíumannsins Ronaldinho. Eiður Smári Guðjohnsen er á varamannabekk Barcelona og kemur vonandi við sögu í síðari hálfleik. Leikur kvöldsins er sýndur beint á Sýn, líkt og síðari leikur liðanna á heimavelli Barcelona á sunnudaginn.
Heiðar Davíð á höggi yfir pari
Kylfingurinn Heiðar Davíð Bragason úr Kili lék fyrsta hringinn á sænsku mótaröðinni á 73 höggum, eða einu höggi yfir pari í dag. Keppnin fer fram í Haverdal í Svíþjóð og er efsti maður eftir fyrsta dag á sex höggum undir pari.
Samningar í höfn við Indanapolis
Nú er ljóst að Formúla 1 verður áfram í boði í Bandaríkjunum, í það minnsta í eitt ár í viðbót, eftir að forráðamenn Indianapolis-kappakstursins náðu samkomulagi við Bernie Ecclestone um mótshald þar á næsta ári.
Eiður Smári á bekknum
Eiður Smári Guðjohnsen er á varamannabekk Barcelona í kvöld þegar liðið mætir Espanyol í meistarakeppninni á Spáni sem er árleg viðureign Spánar- og bikarmeistaranna. Leikurinn er sýndur í beinni útsendingu á sjónvarpsstöðinni Sýn.
Chimbonda verður áfram hjá Wigan
Franski landsliðsbakvörðurinn Pascal Chimbonda segist muni verða áfram í herbúðum enska úrvalsdeildarliðsins Wigan, en hann fór fram á að verða seldur frá félaginu eftir síðasta leik liðsins í vor. Leikmaðurinn hefur verið orðaður við Tottenham í allt sumar, en staðfesti í samtali við Sky-sjónvarpsstöðina í dag að hann færi hvergi.
Fluttur á sjúkrahús í gær
Jens Lehmann var fluttur á sjúkrahús í Schalke í gærkvöld eftir að hann var nálægt því að falla í yfirlið þegar hann snæddi kvöldverð með félögum sínum í landsliðinu að loknum æfingaleik við Svía. Lehmann reyndist vera með of lágan blóðsykur og fékk að fara heim að lokinni læknisskoðun. Hann kom til Englands í dag þar sem hann mun gangast undir frekari skoðun áður en hann byrjar að æfa með Arsenal á ný.
Eiður Smári í leikmannahópi Barcelona
Eiður Smári Guðjohnsen verður í leikmannahópi Spánar- og Evrópumeistara Barcelona í kvöld þegar liðið tekur á móti Espanyol í meistarakeppninni sem markar upphaf keppnistímabilsins þar í landi. Þeir Gianluca Zambrotta og Lilian Thuram eru einnig í leikmannahópi Barcelona, en þeir komu til félagsins fyrir skömmu líkt og Eiður Smári.
PGA-mótið í beinni á Sýn í kvöld
PGA-meistaramótið í golfi sem fram fer á Medinah-vellinum í Illinois hefst í kvöld og hest bein útsending frá mótinu klukkan 21:50. Það er Phil Mickelson sem á titil að verja á mótinu síðan í fyrra, en auk hans eru skráðir til leiks flestir af sterkustu kylfingum heims. Þetta er síðasta risamót sumarsins á PGA-mótaröðinni og Sýn verður með beinar útsendingar frá mótinu alla fjóra keppnisdagana.
Keppnin um Austurlandströllið hafin
Í morgun hófst austur á Vopnafirði keppnin um titilinn Austurlandströllið, en þar keppa sín á milli sterkustu aflraunamenn landsins úr röðum IFSA Ísland. Þegar þetta er ritað eru jötnarnir að etja kappi í drumbalyftu á Mjóeyri á Eskifirði og lýkur dagskrá dagsins í Neskaupstað klukkan 18 þar sem keppt verður í dekkjaveltu við Norðfjarðarvöll.
Barcelona - Espanyol í beinni í kvöld
Fyrsti alvöruleikur Eiðs Smára Guðjohnsen með Evrópumeisturum Barcelona verður sýndur í beinni útsendingu á Sýn í kvöld klukkan 20. Hér er á ferðinni viðureign Spánar- og bikarmeistara Barcelona og Espanyol. Það verður hinn óviðjafnanlegi Guðjón Guðmundsson sem lýsir leiknum og hefst útsendingin klukkan 19:50.
Enn eitt tapið hjá U-16
Íslenska piltalandsliðið U-16 ára tapaði í dag sjötta leiknum sínum í röð í A-deild Evrópumótsins sem fram fer á Spáni þegar liðið lá fyrir sterku liði Grikkja 95-68. Grikkir höfðu yfir 36-25 í hálfleik. Sigmar Logi Björnsson var stigahæstur í íslenska liðinu með 14 stig.
Diarra er efstur á óskalistanum
Ramon Calderon, forseti spænska knattspyrnufélagsins Real Madrid, segir það algjört forgangsatriði fyrir félagið að landa afríska miðjumanninum Mahamadou Diarra frá franska liðinu Lyon. Real hefur einnig mikinn áhuga á að fá Jose Reyes frá Arsenal, en þó komi það ekki til greina nema Arsenal samþykki að selja hann á hóflega upphæð.
Spilaði meiddur á HM
Jens Lehmann hefur gefið það upp að hann hafi spilað meiddur í hverjum einasta leik sínum fyrir hönd Þjóðverja á HM í sumar, því takkaskórnir frá Adidas sem þýsku leikmönnunum hafi verið skipað að spila í, hafi meitt sig.
Nýr samningur í sjónmáli fyrir Beckham
Forráðamenn Real Madrid segja stutt í að samningur David Beckham verði framlengdur við félagið og gæti nýr samningur náð allt fram til ársins 2009. Beckham gekk í raðir Real árið 2003 og líkar lífið vel á Spáni með fjölskyldu sinni. Hann mætti raunar of seint á æfingu liðsins í gærkvöldi eftir að hafa verið í heimalandi sínu að fylgjast með leik Englendinga og Grikkja og gæti átt yfir höfði sér sekt vegna þessa.
Bruce Bowen fer ekki á HM
Varnarjaxlinn Bruce Bowen frá San Antonio Spurs fékk það leiðinlega hlutskipti í gær að verða síðasti maðurinn sem ekki náði inn í landsliðshóp Bandaríkjamanna fyrir HM í körfubolta sem hefst í Japan um helgina. Það er því ljóst hvaða 12 menn skipa bandaríska landsliðið að þessu sinni, en liðið hefur ekki orðið heimsmeistari síðan 1994.
Besti sigur Andy Murray á ferlinum
Breski tennisleikarinn Andy Murray náði því sjaldséða afreki í gær að leggja besta spilara heims, Roger Federer, að velli í leik þeirra á Cincinnati Masters-mótinu 7-5 og 6-4. Þetta var aðeins annað tap hins óviðjafnanlega Federer á árinu.
Áherslubreytingar á komandi leiktíð
Stjórn ensku úrvalsdeildarinnar í knattspyrnu hefur farið þess á leit við leikmenn, þjálfara og dómara að fallið verði frá þeim sið að spyrna boltanum út af vellinum þegar leikmaður liggur meiddur á vellinum. Þess í stað verði dómara fengið það hlutverk að meta hvenær stöðva þurfi leik vegna meiðsla hverju sinni.
