Fréttir

Fréttamynd

Bílainnflutningur dregst hratt saman

Bílainnflutningur hefur dregist hratt saman síðustu vikurnar og voru innan við þúsund nýir fólksbílar skráðir hér á landi í síðasta mánuði. Það er langt innan við meðaltal síðustu missera.

Innlent
Fréttamynd

Embættisafglöp ráðamanna

Forstöðumaður Miðstöðvar heilsuverndar barna sakar ráðamenn um embættisafglöp í sölu á Heilsuverndarstöðinni við Barónsstíg og segir ferlið allt glórulaust.

Innlent
Fréttamynd

Fórnarlömb árása Ísraels borin til grafar

Tugþúsundir Palestínumanna fylgdu fórnarlömbum árásar Ísraela í Beit Hanoun í fyrrinótt til grafar í morgun. Átján manns létust í árásinni, þar á meðal fjölmargar konur og börn. Yfir höfðum syrgjenda sveimuðu ómannaðar ísraelskar eftirlitsflugvélar.

Erlent
Fréttamynd

Stýrivextir hækkaðir í Bretlandi

Bankastjórn Englandsbanka ákvað að hækka stýrivexti um 25 punkta að loknu fundi Peningamálanefndar í dag. Stýrivextirnir standa nú í 5 prósentum. Greiningaraðilar bjuggust flestir við hækkuninni.

Viðskipti erlent
Fréttamynd

Umræðan ekki „kosningabrella“ hjá Frjálslyndum

Magnús Þór Hafsteinsson þingmaður Frjálslynda flokksins segir niðurstöður í skoðanakönnun Fréttablaðsins um fylgi flokkanna ekki koma á óvart. Hann segir Frjálslynda hafa fundið fyrir miklum meðbyr síðustu daga. Þá segir hann ekki um „kosningabrellu“ að ræða, frjálslyndir hafi einfaldlega talað máli stórs hluta þjóðarinnar í málefnum innflytjenda. Í könnunninni mælist Frjálslyndi flokkurinn með ellefu prósenta fylgi og er það mesta fylgi sem hann hefur fengið til þessa.

Innlent
Fréttamynd

Líðan fólks sem bjargað var úr eldsvoða óbreytt

Líðan mannsins og konunnar sem bjargað var úr eldsvoða í Ferjubakka í Reykjavík í fyrradag er óbreytt. Þeim er haldið sofandi í öndunarvél á gjörgæsludeild Landspítalans. Konan, sem ofbeldismaður stakk með hnífi og kveikti í heimili hennar á Húsavík, er á batavegi. Hún var útskrifuð af gjörgæslu í fyrradag og er nú á almennri deild.

Innlent
Fréttamynd

Hagnaður Lenovo minnkar um helming

Kínverski tölvuframleiðandinn Lenovo skilaði 43,09 milljóna dala hagnaði á fyrri helmingi rekstrarársins, sem lauk í septemberlok. Þetta svarar til 2,9 milljarða króna sem er 53 prósentum minna en fyrir ári. Samdrátturinn er að mest kominn til vegna kaupa Lenovo á tölvuframleiðsluhluta IBM í fyrra.

Viðskipti erlent
Fréttamynd

Um 500 hafa kosið í prófkjöri Samfylkingarinnar í Reykjavík

Tæplega 500 manns hafa kosið utan kjörfundar í prófkjöri Samfylkingarinnar í Reykjavík sem fram fer á laugardaginn kemur. Þetta kemur fram á heimasíðu flokksins. Fimmtán sækjast eftir sæti á lista flokksins, þar á meðal allir átta núverandi þingmenn flokksins í Reykjavíkurkjördæmunum tveimur.

Innlent
Fréttamynd

Líkur á hærri stýrivöxtum í Bretlandi

Seðlabanki Englands ákveður stýrivaxtastig í Bretlandi í dag. Greiningaraðilar telja flestir að bankinn hækki vexti um 25 punkta og fari þeir úr 4,75 prósentum í 5 prósent til að slá á hækkandi verðbólgu í landinu.

Viðskipti erlent
Fréttamynd

Undirritaði tvísköttunarsamning við Úkraínu

Valgerður Sverrisdóttir utanríkisráðherra undirritaði í gær tvísköttunarsamning við Úkraínu ásamt Mykola Azarov, fjármálaráðherra landsins, en Valgerður hefur verið í opinberri heimsókn í Úkraínu undanfarna daga.

Innlent
Fréttamynd

Eitt barn og einn hundur

Fyrst ákváðu kínversk stjórnvöld að hjón mættu aðeins eiga eitt barn, og nú hefur verið ákveðið að hver fjölskylda megi aðeins eiga einn hund.

Erlent
Fréttamynd

Íslensk stjórnvöld fordæma árásir Ísraela

Íslensk stjórnvöld fordæma árásir Ísraela á íbúðabyggð í Beit Hanoun í fyrrinótt, en þar féllu 18 óbreyttir borgarar, margir hverjir konur og börn auk þess sem tugir særðust. Þetta kom fram í máli Jóns Sigurðssonar, starfandi utanríkisráðherra, á Alþingi í morgun.

Innlent
Fréttamynd

Tap Napster minnkar milli ára

Nettónlistarveitan Napster, skilaði 9 milljóna dala taprekstri á þriðja ársfjórðungi. Þetta svarar til 614 milljóna króna taprekstrar á tímabilinu sem þó er nokkuð minna en á sama tíma fyrir ári. Eigendur Napster leitast við að sameinast öðru fyrirtæki eða selja það.

Viðskipti erlent
Fréttamynd

Barnalúgur á sjúkrahúsi

Japanskt sjúkrahús ætlar að útbúa barnalúgu, þar sem mæður geta stungið inn börnum sem þær vilja ekki eða geta ekki annast. Börnunum verður svo komið í fóstur.

Erlent
Fréttamynd

Kalkofnsvegur opnaður á ný eftir þrengingar

Kalkofnsvegur var í morgun opnaður á ný eftir þrengingar síðustu daga og er nú tvær akreinar í hvora átt. Hann var á dögunum þrengdur þegar á milli Lækjargötu og Faxagötu þegar nýtt frárennslisrör var lagt samhliða Kalkofnsvegi að Hverfisgötu.

Innlent
Fréttamynd

Búist við töluverðu hvassviðri í kvöld og nótt

Seint í kvöld og síðan í nótt má búast við talsvert hvössu veðri á landinu. Eru horfur á að vindhraðinn verði á bilinu 18-25 m/s þegar hvassast er með talsvert hærri vindhraða í hviðum eða allt að 40 m/s. Hvassast verður sunnan til í nótt en á morgun hvessir einnig vestan og norðvestan til á landinu samhliða því að vindur snýr sér til vesturs og norðvesturs.

Innlent
Fréttamynd

Danske Bank gerir risakaup í Finnlandi

Danski bankinn Danske Bank hefur keypt finnska bankann Sampo Bank fyrir 30,1 milljarða danskra króna eða rúmlega 352 milljarða íslenskra króna. Danska dagblaðið Berlingske Tidende hefur eftir Peter Straarup, forstjóra Danske Bank, kaupin í samræmi við stefnu bankans um starfsemi í Norður-Evrópu.

Viðskipti erlent
Fréttamynd

Segir rétt hjá Rumsfeld að segja af sér

Anders Fogh Rasmussen, forsætisráðherra Damerkur, segir það rétta ákvörðun hjá Donald Rumsfeld að segja af sér sem varnarmálaráðherra Bandaríkjanna í kjölfar slæmrar útreiðar Repúblikanaflokksins í þingkosningum í Bandaríkjunum í fyrradag.

Erlent
Fréttamynd

Aukið tap hjá DeCode

DeCode, móðurfélag Íslenskrar erfðagreiningar, tapaði 23,6 milljónum Bandaríkjadala, jafnvirði 1,6 milljörðum króna, á þriðja fjórðungi ársins samanborið við 11,4 milljónir dala tap eða tæplega 778 milljónir króna, á sama tíma í fyrra. Tap móðurfélagsins á fyrstu níu mánuðum ársins nemur 62,2 milljónum dala eða 4,2 milljörðum króna sem er 1,4 milljörðum krónum meira en á sama tíma í fyrra en þá nam tapið 2,8 milljörðum.

Viðskipti innlent
Fréttamynd

Spilling í Írak kostar landið milljarða á ári

Spilling innan íröksku ríkisstjórnarinnar kostar landið milljarða dollara ári og hluti fjárins rennur til andófsmanna í landinu. Þetta segir Stuart Bowen, bandarískur erindreki sem hefur eftirlit með uppbyggingu í landinu.

Erlent
Fréttamynd

Íhuga kosti við að vinna saman

Sameinuðu þjóðirnar íhuga að blanda saman sveitum Sameinuðu þjóðanna í Darfur-héraði og sveitum Afríkusambandsins. Friðargæsluliðar Sameinuðu þjóðanna í Darfur-héraði í Súdan hafa mætt mikilli andstöðu. Sveitir Afríkusambandsins hafa takmarkað fjármagn og eru illa útbúnar. Sameinaðar sveitir gætu nýtt styrkleika beggja og náð þannig betri árangri.

Erlent
Fréttamynd

Ungir fjölmenntu á kjörstaði

Fjöldi ungra Bandaríkjamanna sem mætti á kjörstaði í gær hefur ekki verið meiri í tuttugu ár. Í kringum 24% kosningabærra Bandaríkjamanna undir þrítugu kaus í þingkosningunum í gær. Talið er að þróun mála í Írak hafi ýtt á hópinn að kjósa og tryggja Demókrötum meirihluta á þingi.

Erlent
Fréttamynd

Komast leiðar sinnar með stolið norskt vegabréf

Norðmenn eru uggandi yfir þeirri þróun að sífellt fleiri séu stöðvaðir við vegabréfaeftirlit með falsað norskt vegabréf. Fréttavefur Aftenposten í Noregi greinir frá því að hjá Interpol séu tilkynningar um 130.000 norsk vegabréf sem er saknað. Alls eru 12 milljón stolin vegabréf á skrá hjá Interpol. Haft er eftir yfirmanni hjá lögreglunni í Noregi að stolin norsk vegabréf séu vinsæl erlendis.

Erlent
Fréttamynd

Vatíkanið fordæmir Gleðigöngu samkynhneigðra

Vatíkanið hefur fordæmt Gleðigöngu samkynhneigðra sem halda á í Jerúsalem í Ísrael á föstudaginn kemur. Vatíkanið telur gönguna særandi í garð trúaðra og hvetur yfirvöld í Ísrael til að koma í veg fyrir gönguna.

Erlent
Fréttamynd

Guðjón vill ekki hitta sendiherra Ísraels

Guðjón Arnar Kristjánsson, formaður Frjálslynda flokksins, hefur aflýst fyrirhugðum fundi með Miryam Shomrat, sendiherra Ísraels. Þingflokkur Frjálslynda flokksins sendi í dag sendiráði í Ísraels í Noregi tilkynningu um þetta. Ástæðan eru aðgerðir Ísraelshers á Gaza. Þeir Guðjón Arnar og Miryam Shomart ætluðu að funda í Reykjavík 15. nóvember næstkomandi.

Innlent
Fréttamynd

Demókratar hafa tryggt sér Montana

Demókrataflokkurinn hefur tryggt sér öldunadeildarþingsæti í Montana en ekki er talin þörf á endurtalningu þar eins og líklegt var talið fyrr í dag. Þar með hafa Demókratar bætt við sig fimm öldungadeildarþingsætum og vantar aðeins eitt þingsæti til að ná völdum í Öldungadeildinni.

Erlent

Mest lesið