Lögreglumál

Fréttir af verkefnum lögreglunnar á Íslandi.

„Þetta er ekki það versta sem við höfum lent í“

Íris Róbertsdóttir, bæjarstjóri í Vestmannaeyjum, segir bæjaryfirvöld í Vestmannaeyjum ekki hafa sérstaka skoðun á lágflugi flugstjóra Icelandair yfir Vestmannaeyjabæ um helgina.

Innlent 13. apríl 2026 08:32

Látinn laus ef hann segði til nafns en neitaði

Maður var vistaður í fangaklefa vegna þess að hann neitaði að segja til nafns. Lögregla hafði þá verið kölluð til eftir að tilkynnt var um að maðurinn væri að angra gesti á starfsmannagleði. Tveir aðrir voru vistaðir í kjölfar þess að hafa verið til ama fyrir utan skemmtistaði í miðbæ Reykjavíkur.

Innlent 12. apríl 2026 08:18

Maður hífður upp úr Ölfusá

Sigmaður Landhelgisgæslunnar hífði mann upp úr Ölfusá rétt fyrir klukkan fimm en leit hafði staðið yfir að manninum í ánni frá því klukkan rúmlega fjögur í dag.

Innlent 11. apríl 2026 16:34

Maður stunginn í heimahúsi á Akureyri

Maður leitaði á bráðamóttöku Sjúkrahússins á Akureyri aðfaranótt föstudags með stunguáverka og þurfti að undirgangast skurðaðgerð. Ráðist var á hann í heimahúsi og tveir eru grunaðir um aðild að málinu.

Innlent 11. apríl 2026 14:47

Gæsluvarðhaldskröfu yfir Írisi hafnað

Dómari hafnaði kröfu um gæsluvarðhald yfir Írisi Helgu Jónatansdóttur, meintum eltihrelli, í Héraðsdómi Reykjaness í morgun. Farið var fram á fjögurra daga varðhald.

Innlent 11. apríl 2026 10:12

Ók á tæplega tvöföldum leyfilegum hraða

Lögregla var kölluð til á skemmtistað í umdæmi þrjú, sem þjónustar Kópavog og Breiðholt, vegna líkamsárásar. Í umdæum eitt og tvö voru alls níu handteknir vegna gruns um ölvunarakstur eða akstur undir áhrifum fíkniefna. Sjö ökumenn voru kærðir fyrir of hraðan akstur.

Innlent 11. apríl 2026 07:48

„Þegar allt þrýtur þá ganga gerendur lengra og lengra“

Teymisstýra Bjarkarhlíðar segir birtingu falskrar dánartilkynningar vera enn ein birtingarmynd þess hve langt elltihrellar eru tilbúnir að ganga til að ná athygli þolenda sinna. Lögreglan mun fara fram á gæsluvarðhald yfir konu sem var handtekin vegna málsins.

Innlent 10. apríl 2026 19:05

Engir glæpir á bak við aukið sírenuvæl í borginni

Fjölmargir hafa eflaust orðið varir við aukið sírenuvæl undanfarna daga á höfuðborgarsvæðinu. Það á sér þó mjög hversdagslegar skýringar en yfir standa æfingar í forgangsakstri hjá lögreglunemum. Sjái fólk lögreglubíla á fleygiferð um borgina sé því ekki ólíklegt að þeir séu á æfingu frekar en á leið í útkall.

Innlent 10. apríl 2026 17:15

Gabríel Douane í síbrotagæslu: Einn handtekinna vegna líkamsárásar í mars

Gabríel Douane Boama er einn þeirra fjögurra sem handteknir voru vegna alvarlegrar líkamsárásar í miðborginni aðfaranótt 5. mars. Gæsluvarðhald yfir honum vegna árásarinnar rann út í gær og þá var hann úrskurðaður í síbrotagæslu til 6. maí.

Innlent 10. apríl 2026 16:37

Kona handtekin vegna dánartilkynningar í Morgunblaðinu

Lögreglan á Suðurnesjum hefur handtekið konu í þágu rannsóknar á umsáturseinelti í kjölfar birtingar á dánartilkynningu í Morgunblaðinu nú í morgun. Lögregla ætlar að fara fram á gæsluvarðhald yfir konunni í dag.

Innlent 10. apríl 2026 12:33

Lifandi maður sagður látinn í Morgunblaðinu

Svo virðist sem dánartilkynning hafi birst í Morgunblaðinu í morgun um mann sem er sprelllifandi. Maðurinn, Sölvi Guðmundarson, ber fregnirnar af sér í færslu á Facebook, í skilaboðum til ættingja og vina.

Innlent 10. apríl 2026 08:34

Fletti upp í LÖKE vegna meintrar fíkniefnaskuldar vandamanns

Aníta Rut Harðardóttir lögreglumaður fletti upp nöfnum fólks í skráningarkerfi lögreglunnar, LÖKE, í þeim tilgangi að ná í mann sem stofnað hafði kröfu í heimabanka fjölskyldumeðlims hennar vegna meintrar gamallar fíkniefnaskuldar. Hún var sektuð um hundrað þúsund krónur vegna athæfisins og þarf að borga tæplega 900 þúsund krónur í málskostnað.

Innlent 10. apríl 2026 06:45

Tilkynnt um þjófnað í þremur verslunum

Þrjú mismunandi mál bárust inn á borð lögreglunnar í dag er varða þjófnað í matvörverslunum. Einnig var tilkynnt um innbrot á heimili í Reykjavík en lögreglan handtók þann sem brotist hafði inn og vistaði í fangaklefa.

Innlent 9. apríl 2026 18:14

Vísað úr landi eftir búðarhnupl

Erlendum karlmanni á fertugsaldri var vísað úr landi eftir að hann var staðinn að þjófnaði í verslun nokkrum klukkustundum eftir að hann kom til landsins á þriðjudag.

Innlent 9. apríl 2026 11:48

Braut rúðu eftir að hafa verið synjað um starf

Lögreglan á höfuðborgarsvæðinu handtók mann í gærkvöldi eða nótt eftir að viðkomandi braut rúðu á hóteli í miðborginni. Um var að ræða einstakling sem hafði sótt um starf á hótelinu en verið synjað. Brást hann illa við og hafði ítrekað verið tilkynnt um hegðun hans.

Innlent 8. apríl 2026 06:40

Alvarlega slasaður eftir umferðarslys í Mývatnssveit

Tveir voru fluttir með þyrlu Landhelgisgæslunnar á Sjúkrahúsið á Akureyri í kjölfar umferðarslyss á Hringvegi við Neslönd í Mývatnssveit klukkan 12.45 í dag.

Innlent 7. apríl 2026 15:58

Stakk og skar fórnarlambið á háls

Grískur karlmaður sem er ákærður fyrir að drepa portúgalskan karlmann á Kársnesi í Kópavogi í nóvember er sagður hafa stungið og skorið fórnarlamb sitt á háls. Fórnarlambið er sagt hafa látist vegna meiriháttar blóðmissis.

Innlent 7. apríl 2026 11:58

Tuttugu þúsund á hvern illa búinn hjólbarða

Ökumenn á illa búnum bílum á höfuðborgarsvæðinu mega eiga von á ansi háum sektum. Hætti þeir sér út í umferðina í óveðrinu í dag verða þeir sektaðir tuttugu þúsund krónur á hvern illa búinn hjólbarða.

Innlent 6. apríl 2026 12:08

Lýstu eftir manni á níræðisaldri

Karlmaður sem lögreglan á höfuðborgarsvæðinu lýsti eftir fyrr í dag er kominn í leitirnar. Hann var 86 ára gamall.

Innlent 5. apríl 2026 16:50

Fólk stillt að mestu á Akureyri

Varðstjóri hjá lögreglunni á Akureyri segir kvöldið hafa gengið rólega fyrir sig þrátt fyrir mikinn fjölda fólks í bænum yfir helgina. Lögregla sinnti minniháttar líkamsárás.

Innlent 5. apríl 2026 10:14

Þrír vistaðir í fangaklefa og einn fluttur á bráðamóttöku

Maður var fluttur á bráðamóttöku eftir að hann féll niður tröppur í fjölbýlishúsi í hverfi 111. Þrír voru vistaðir í fangaklefa grunaðir um sölu og dreifingu fíkniefna í miðbæ Reykjavíkur.

Innlent 4. apríl 2026 08:13

Lögregla lét loka þremur afhendingarstöðum áfengis

Lögreglan á Norðurlandi eystra hafði afskipti af þremur afhendingarstöðum áfengisverslana og lét loka þeim í gær. Óheimilt er samkvæmt áfengislögum að afhenda áfengi á helgidögum. Embættið hefur haft eftirlit með sömu stöðum í dag.

Innlent 3. apríl 2026 15:11

Brotist inn og gert sig heimakominn

Lögreglan brást við útkalli þar sem par var sagt rífast hástöfum í verslunarmiðstöð í Reykjavík. Brotist var inn í íbúð og þegar lögreglu bar að garði hafði viðkomandi gert sig heimakominn og var búinn að róta talsvert í eigum íbúa.

Innlent 3. apríl 2026 08:06

„Forsjárdeila“ er ekki sönnunargagn í sakamálarannsókn

Lengi vel trúði ég því að lögreglan væri hafin yfir þær þrásæknu mýtur og söguskýringar sem oft virðast gegnumsýra viðbrögð annarra stjórnvalda við ofbeldi í nánum samböndum. Ég hafði gengið út frá því að rannsókn lögreglu og niðurstaða saksóknara í þessum málum byggði fyrst og fremst á staðreyndum, sönnunargögnum og trúverðugum vitnisburði.

Skoðun 2. apríl 2026 08:33

Segja Skúla Tómas hafa hneppt móður þeirra í „lyfjafjötra“

Börn konu sem lést á Heilbrigðisstofnun Suðurnesja saka Skúla Tómas Gunnlaugsson lækni um að hafa hneppt hana í „lyfjafjötra“. Sérfræðingar hafi úrskurðað að konan hafi fengið lífslokameðferð sem ekki hafi verið forsendur fyrir.

Innlent 1. apríl 2026 10:32

Maðurinn er kominn í leitirnar

Lögreglan hefur sent frá sér tilkynningu þar sem fram kemur að leit af manni sem stóð yfir í vikunni hafi borið árangur.

Innlent 31. mars 2026 19:59

Tengdust þjófnaðinum ekki á nokkurn hátt

Ferðamenn sem voru stöðvaðir á leið til Egilsstaða tengjast ekki þjófnaði sem framinn var í versluninni Freysnesi í Skaftafelli á sunnudaginn.

Innlent 31. mars 2026 19:16

Ætla að fara fram á frávísun málsins

Héraðssaksóknari hefur ákveðið að ákæra Skúla Tómas Gunnlaugsson lækni fyrir manndráp af ásetningi vegna andláts 73 ára konu sem var í hans umsjá á Heilbrigðisstofnun Suðurnesja árið 2019. Verjandi hans ætlar að fara fram á frávísun í málinu. Uppkomin börn konunnar sem er ákært vegna gagnrýna harðlega að Skúli Tómas hafi starfað við Landspítalann meðan mál hans var til rannsóknar.

Innlent 31. mars 2026 18:45

Handteknir eftir vopnaða líkamsárás

Lögreglunni á höfuðborgarsvæðinu barst í dag tilkynning um líkamsárás með vopnum. Tveir voru handteknir á vettvangi og vistaðir í fangaklefa vegna rannsóknar málsins.

Innlent 31. mars 2026 17:25

Stöðvuðu ferðamenn sem reyndust ekkert grunsamlegir

Lögreglan á Austurlandi stöðvaði hóp erlendra ferðamanna á leið til Egilsstaða í gær þar sem lögreglu höfðu borist ábendingar um þar væri á ferð hópurinn sem hefði farið ránshendi um verslun í Skaftafelli. Sá hópur reyndist aftur á móti ekki hafa neitt þýfi meðferðis.

Innlent 31. mars 2026 16:36

Mest lesið