Fótbolti

Íslendingaliðið Kristianstad sótti öll þrjú stigin

Andri Broddason skrifar
Alexandra Jóhannsdóttir var í byrjunarliði Kristianstad í dag.
Alexandra Jóhannsdóttir var í byrjunarliði Kristianstad í dag. kristianstadsdff

Íslendingaliðið Kristanstad vann AIK í sænsku úrvalsdeildinni í dag. Tveir Íslendingar voru í byrjunarliði Kristianstad. Sömuleiðis vann Thelma Karen Pálmadóttir og félagar í BK Häcken og halda toppsæti deildarinnar.

Alexandra Jóhannsdóttir og Elísa Lana Sigurjónsdóttir voru í byrjunarliði Kristianstad þegar liðið heimsótti AIK. Linda Líf Boama var ekki í leikmannahópnum í dag en í morgun bárust þær fréttir að hún hefði skrifað undir samning hjá Charlton í ensku WSL-deildinni.

Eftir leikinn er Kristianstad í fimmta sæti deildarinnar og náði liðið að fara upp fyrir AIK í deildinni með því að vinna liðið.

Á sama tíma vann BK Häcken Rosengard og var Thelma Karen Pálmadóttir í byrjunarliði BK Häcken. Þar endaði leikurinn 1-0 eftir mark frá Laney Matriano undir lok fyrri hálfleiks. BK Häcken er í góðri stöðu á toppi sænsku úrvalsdeildarinnar með sex stiga forystu á Hammarby í öðru sætinu.

BK Häcken hefur spilað frábærlega á tímabilinu og hefur unnið alla sína leiki fyrir utan einn.

Sænski boltinn Íslendingar erlendis

Mest lesið


Fleiri fréttir

Sjá meira


×

Mest lesið