Carragher lýstur gjald­þrota en sagður ætla að borga skuldina

Samkvæmt BBC skuldar Carragher á bilinu 700 til 800 þúsund pund. Hann hefur ekki staðið skil á sköttum og því fer skatta- og tollaeftirlit Bretlands (HMRC) fram á gjaldþrotaskipti, sem það segir „síðasta úrræðið“ til að eltast við ógreidda skatta. 

Carragher var leikmaður Liverpool í ensku úrvalsdeildinni frá 1996 til 2013. Síðan hann lagði skóna á hilluna hefur hann starfað sem knattspyrnusérfræðingur, hjá Sky Sports, CBS og í hlaðvarpinu Stick To Football.

Carragher mætti fyrir dómara í morgun en hefur ekki tjáð sig um málið. HMRC tjáir sig ekki um einstaka mál en talsmaður Carragher sagði við BBC:

„Þetta er einkaskattamál sem hefði átt að leysa fyrr og viðeigandi ráðstafanir verða gerðar í dag til að ganga frá því. Minn skilningur er að málið muni ekki halda áfram og verði leyst innan skamms.“