Messi skoraði en Miami heldur á­fram að tapa

Messi fann netmöskvana á 82. mínútu leiksins í nótt eftir stoðsendingu Rodrigo De Paul en Miami var þá 2-0 undir eftir mörk Josh Sargent og Derrick Etienne á þriggja mínútna kafla þegar um klukkustund var liðin.

Í síðustu fimm leikjum hefur Miami nú tapað tveimur leikjum í deildabikarnum og dottið úr leik þar, lið tapaði svo 4-1 í deildarleik gegn Nashville um síðustu helgi og gerði 2-2 jafntefli við Philadelphia í miðri viku.

Nashville er nú efst í MLS með tíu stiga forskot á Inter Miami í toppbaráttu deildarinnar.

„Akkúrat núna erum við ekki að ná úrslitum, þetta er barátta sem við höfum ekki lent í áður. Barátta sem hefur áhrif á hugarfar hópsins og þess vegna eru hlutirnir ekki að detta með okkur,“ sagði Guillermo Hoyos, þjálfari Inter Miami.

„Ég segi það aftur, ég segi alltaf það sama: Þegar við töpum leikjum þá er ábyrgðin mín. Við munum saman að því að finna lausnir, byggja aftur upp á nýtt og sjá hvort við getum ekki snúið þessu við,“ sagði Hoyos, sem tók við þjálfarastarfinu af Javier Mascherano í apríl.

Hoyos sagðist „ekkert hafa heyrt“ frá eigendum félagsins um framtíð sína í starfi, í ljósi slæms gengis liðsins.

Úrslitin komu ofan á slæm tíðindi fyrir Lionel Messi og liðsfélaga hans hjá Inter Miami, Ian Fray, sem voru sektaðir í gær fyrir að slá og taka andstæðing hálstaki í síðasta leik gegn Philadelphia.