Enn engin skýring á dauða­slysi hjól­reiða­kappans

Portúgalska lögreglan, GNR, hefur hingað til aðeins staðfest að Tarling hafi lent í árekstri við sendibíl sem ekið var gegn akstursstefnu keppninnar og var ekki hluti af henni. Aðstæður eru enn í rannsókn. TV2 fjallar um málið. 

Samkvæmt spænsku miðlunum AS og Cadena SER, og þeim portúgalska A Bola, hunsaði ökumaður bílsins fyrirmæli öryggisvarða, en sú útlegging hefur ekki verið staðfest opinberlega.

Portúgalski miðillinn Correio da Manhã skrifar hins vegar að ökumaðurinn hafi stöðvað vegna keppninnar en hafi ekið aftur af stað þar sem viðkomandi taldi að allir keppendur væru komnir fram hjá.

Blaðið bendir jafnframt á að staðsetning aftasta bíls keppninnar í samanburði við stöðu Finlay á leiðinni sé lykilatriði í rannsókninni, þar sem Tarling virðist enn hafa átt að vera innan öryggissvæðis keppninnar þegar slysið varð, en hugsanlega gæti bíllinn sem á að gefa til kynna að vegurinn sé aftur opinn fyrir almennri umferð hafa farið fram úr honum.

Lið Finlay Tarlings, NSN Development Team, hætti keppni í Volta a Portugal. Þetta staðfesti liðið á X eftir að portúgalska sjónvarpsstöðin RTP greindi frá því á föstudagskvöld.

Á sama tíma tilkynnir NSN að World Tour-lið samtakanna muni halda áfram keppni í þeim áfangakeppnum sem þau taka þátt í um þessar mundir.

„Með fullum stuðningi foreldra Fins mun WorldTour-liðið halda áfram keppni í Czech Tour og Arctic Race of Norway. Við munum áfram bera Fin í hjörtum okkar og keppa honum til heiðurs þegar við gerum það sem hann elskaði mest. Við viljum þakka öllum innan og utan hjólreiðaíþróttarinnar fyrir ótrúlegan stuðning á þessum erfiðu tímum.“