Freyr tapaði gegn sínu gamla fé­lagi þar sem Kristall var á skotskónum

Freyr Alexandersson var rekinn sem þjálfari Brann fyrir um tveimur mánuðum og hefur óneitanlega viljað vinna gegn sínu gamla félagi. Það hafðist ekki í dag og tapaði hann á sínum gamla heimavelli á svekkjandi hátt.

Rosenborg byrjaði leikinn af krafti og var mun sterkara lið í fyrri hálfleik. Þrátt fyrir það var liðið undir í hálfleik eftir að Niklas Castro kom Brann yfir þvert gegn gangi leiksins.

Freyr hefur komið með eldræðu í hálfleik og héldu yfirburðir Rosenborg áfram í seinni hálfleik. Liðið þurfti þó að bíða þolinmótt eftir fyrsta markinu en það kom á 62. mínútu eftir vítaspyrnu. Aðeins fimm mínútum seinna náði Rosenborg forystunni með marki frá Iver Fossum en liðið náði ekki að halda forystunni lengi.

Kristall Máni Ingason var aðeins búinn að vera inni á vellinum í sex mínútur þegar hann skoraði jöfnunarmark Brann. Þar fíflaði hann þrjá varnarmenn Rosenborg og skoraði af þröngu færi.

Leikurinn virtist ætla að enda jafn en í uppbótartíma náði Kristian Eriksen að tryggja sigur fyrir Brann með frábærum skalla. Brann vann því leikinn 3-2 og Freyr tapaði á svekkjandi hátt gegn sínu gamla félagi.