Innipúkunum fjölgar enn

Freyja Þórisdóttir skrifar 9. júlí 2026 14:46

Í tilkynningu segir að hátíðin hafi lengi verið griðastaður þeirra sem kjósa malbik fremur en útileguna um verslunarmannahelgina. Aðsend

Elín Hall, Ízleifur, GDRN og Joey Christ eru meðal þeirra sem hafa bæst við hóp listamannanna sem koma fram á Innipúkanum í Austurbæjarbíói um verslunarmannahelgina. Tónlistarhátíðin stendur yfir í þrjá daga líkt og vanalega en hún hefur verið haldin árlega síðan 2002 að undanskildum tveimur „mögrum kóvid-árum“.

Þegar hefur verið tilkynnt að Emmsjé Gauti, FM Belfast, Retro Stefson, Gugusar, Kusk & Óviti og Amor Vincit Omnia komi fram á hátíðinni í ár. Í gegnum tíðina hafa fjölmargir listamenn komið stigið á stokk á Innipúkanum og má þar nefna Dúkkulísurnar, Botnleðju, Diktu, Hjaltalín, Aron Can, Trabant, Mugison, Lay Low og svo mætti lengi telja.

Dagskrá Innipúkans 2026 er hér fyrir neðan en tilkynnt verður um plötusnúða á næsu vikum.

Amor Vincit Omnia
Álfgrímur
Elín Hall
Emmsjá Gauti
FM Belfast
Flesh Machine
GDRN
Geisha Cartel
gugusar
Ízleifur
Joey Christ & Gestir
Kusk & Óviti
Hasar
Lára Eggerts
Múr
Retro Stefson
Sudden Weather Change
Tatjana

Í tilkynningu kemur fram að fjölbreyttir viðburðir muni fara fram í kringum hátíðina en þá býðst gestum meðal annars að kíkja á Nískupúkann (flóamarkað Innipúkans), taka þátt í pop-quiz og sjá plötusnúða þeyta skífum en miðasalan er hafin á moment.is.

Samkvæmislífið Reykjavík Tónleikar á Íslandi

Tengdar fréttir

Innipúkar geti farið á „tryllt djamm“ í Austurbæjarbíói í annað sinn

FM Belfast, Emmsjé Gauti, Retro Stefson, Gugusar, Kusk & Óviti og Amor Vincit Omnia eru meðal listamanna sem koma fram á Innipúkanum sem verður í annað sinn haldin í Austurbæjarbíó um verslunarmannahelgina. Hátíðin er eins og áður þrír dagar.

5. maí 2026 22:03

Menningarperlan aftur komin í sitt gamla horf

Tónlistarmenn og gestir á Innipúkanum eru að sögn viðburðarhaldara hæstánægðir við aðstöðuna í Austurbæjarbíó sem er að mörgu leyti aftur farin að gegna sínu gamla hlutverki sem tónleika- og menningarhús.

3. ágúst 2025 18:38

Ragga Gísla og Hipsumhaps á Innipúkanum sem færir sig um set

Ragga Gísla og Hipsumhapps snúa bökum saman og koma fram í sameiningu í fyrsta sinn á tónlistarhátíðinni Innipúkanum í Reykjavík um verslunarmannahelgina, 1. til 3. ágúst. Hátíðin flytur sig nú um set og verður haldinn í Austurbæjarbíó í stað Ingólfsstrætis þar sem hátíðin hefur verið haldin síðustu ár.

19. júní 2025 11:59